Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye.

HPGyî da zanayene ke hêzanê înan çarçeweya Hemleya Şorişgêre ya Şehîd Bager û Şehîde Ronya de çalakîyî kerdî û detayê  înan wina pare kerdî:

''Hêzanê ma yê YJA Statî 4ê hezîrane de qezaya Şemzînanî ya Colemêrgî de da dişmenî ro. Çalakîya ke warê Derîyê Panî yê herêma Govendê de ameye kerdene de leşekrêk ame kiştene. 7ê hezîrane de Qilê Şehîde Axîne yê Xakurê de çalakîya suîqestî ameye kerdene, leşkerêk ame kiştene. 8ê hezîrane de qezaya Çelê ya Colemêrgî de vera leşkeranê ke warê Tepe Ser Zêrî de ameyî cakerdene çalakîyêka suîqestî ameye kerdene, leşkerêk ame kiştene.

Teyarayanê şerî yê artêşa tirke 8ê hezîrane de Qilê Cehenemî yê Zapî ke pabesteyê Herêmanê Pawitişî yê Medya yo bombardûman kerde. Nê hêrişan de vînîbîyayeyê ma çîn ê.''