Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

Eşkerayîya HPGyî de nê ameyî parekerdene:

Hemleya Serkewtişî ya Egîdanê Botanî

''25ê hezîrane de Koyê Xelîla yê Eyaletê Botanî de çalakîyêke ameye kerdene. Leşkeranê ke warê Gelîyê Şaxî de semedê asayîşê rayîro ke ver bi Çelê Bûka yeno viraştene pawitene ameyî pirodayene. Çalakîye de 2 îşxalkerî ameyî cezakerdene. Reyna xeyma ke leşkerî tede bî ameye pirodayene la hûmara merde û birîndaran zelal nêbîye.

Hemleya Şorişgêre ya Bazanê Zagrosî

30ê hezîrane de Girê Xeregolî yê herêma Zapî de îşxalkerî pê çekanê giranan ameyî hedefgirewtene.  Çalakîye de xeylêk mewzîyê dişmenî ameyî derbkerdene û îşxalkerêk ame cezakerdene. Eynî roje warê Girê Silêmanî yê Avaşînî de vera îşxalkeran çalakîya sûîqastî ameye kerdene. Çalakîye îşxlakerêk ame cezakerdene. Badê çalakîye îşxalkeran mewzîyê xo caverdayî û remayî.

bombardumanî

30ê hezîrane de dormeyê dewa Hirorê û Girê Şehîd Çîyayî yê metîna û Qilê Şehîd Întîkamî yê Avaşînî pê helikopteranê hêrişî ameyî bombardumankerdene. Reyna mewzîyê şerî yê warê Werxelê yê herêma Avaşînî zî pê teyarayanê şerî û helikopteranê hêrişî ameyî bomabardumankedene. Nê hêrişan de vînîbîayeyê ma çîn ê.''