Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke weşanaye.

Eşkerayîye wina ya:

''24ê gulane de saete 09:30 de Gelîya Deştanî ya qezaya Çelê ya Colemêrgî de hêzanê ma vera artêşa TCyî ya îşxalkere çalakîyêke kerde. Çalakîye de 2 kozikî û 2 çekê giranî yê A4î yê dişmenan ameyî îmhakerdene û tewr tay 3 leşkerî ameyî kiştene. Yewina ma ya çalakîye bi hawayêkê serkewteyî agêrayî baregehê xo.

24ê gulane de çarçewa Hemleya Şorişgêre ya Şehîd Bager û Şehîde Ronya de hêzanê ma herêma Xakurkê ya Herêmanê Pawitişî yê Medya de vera artêşa TCyî ya îşxalkere Girê Lêlikanî de çalakîyêke kerde. Darbê giranî dîyayî kozik û cayanê dişmenan ro la hûmara kişte û birîndaran nêameye zelalkerdene.

Artêşa TCyî ya îşxalkere serê sibayî yê 22ê gulane de qezaya Elkê ya Şirnexî de warê dewanê Keleş, Astenga, Tehtê Reşî û Toranî yê Masîroyî de dest pê operasyonî kerd. Operasyon heman roje saete 15:30 de bênetîce qedîya.

24ê gulane de teyarayanê şerî yê artêşa TCyî ya îşxalkere warê Çemçoyî yê herêma Zapî yê Herêmanê Pawitişî yê Medya ser o bombayî varnayî. Bombarduman de zerarêk nêresa hêzanê ma ser.''