Merkezê Îrtîbatî û Çapemenîye yê HPGyî  da pêhesnayene ke hêrişê dewleta tirke yê pê çekanê kîmyewîyan de 5 gerîlayî şehîd bîyî.

Eşkerayîya HPGyî de nê ameyî parekerdene:

5 gerîlayî şehîd bîyî

''Operasyono hîra yê dewleta tirke ya îşxalkere yo ke 23ê nîsan a 2021î de vera waranê Zap, Avaşîn û Metîna dîya destpêkerdene raştê xoverdayîşê Gerîlayanê Azadîye yê Kurdîstanî ame.  Dewleta tirke ya ke sûcanê şerî kena seba ke waştişê ci yê leyminî nêameyî ca Waranê Xoverdayîşî bêmabên hewa û erdî ra bombarduman kena. Rixmê heme hêrişan  cehdkerdişê ci pûç ameyî vetene. Seba ke nêeşkena vera xoverdayîşê gerîlayan ser bikewo çekanê kîmyewîyan şuxulnena û sûcê merdîye û şerî kena. 5ê teşrîna verêne de Werxelê de reyna pê çekanê kîmyewîyan bombarduman ame kerdene. Nê hêrişî de hemrayê ma Cumalî, Çavrê, Amara, Mahîr û Dilvîn heta nefesê xo yê peyênî xover da û bîyî bêmerg. Derheqê nasname û têkoşînê şehîdanê ma yê bimbarekan de do zanayîşo hîra peyra şarê ma yo ke egîtî afernayî û rayrapêroyîye reyde bêro parekerdene.

Xoverdayîşê Werxelê

Artêşa tirke ya îşxlakere 8ê teşrîna verêne de pê çekanê giranan Warê Xoverdayîşî yê Werxelê bombarduman kerd û dima ra waşt aver şiro. Xoverdayoxanê Werxelê mudaxaleyê înan kerd û destur ci nêda. Artêşa tirke ya îşxalkera ke nêeşkena vera xoverdayîşê gerîlayan ser bikewo çekanê kîmyewîyan şuxulnena. Rixmê heme hêrişanê îşxlakeran Şerwanê ma yê Werxelê bi îradayê Apoyî xoverdayîşê xo yê tarîxî domnenê.

Çalakîyê gerîlayan

Çarçewa Hemleya Şorişgêre ya Cengê Xabûrî de 8ê teşrîna verêne de warê Girê Koordîne yê Heftanînî de îşxalkerî hetê hêzanê ma ra pê çekanê giranan ameyî pirodayene. Eynî roje çarçewa Hemleya Şorigêre ya Bazanê Zagrosî de Kela Bêdewê yê herêma Zapî de hêzanê ma yê YJA Starî pê çekanê giranan da îşxalkeran ro. 9ê teşrîna verêne de zî Girê Şehîd Serxwebûnî de îşxalkerî pê çekanê giranan ameyî pirodayene. Heme çalakîyan de hedefê ke ameyî bewelîkerdene biîsabet ameyî pirodayene la hûmara merde û birîndaran ê dişmenî zelal nêbîye.

Herîşê hewayî

8ê teşrîna verêne de waranê Tabûrê Ereban û Banista yê herêma Avaşînî de têgêrayîşê helîkopteran qewimîya. Eynî roje herêma Garê de warê Kanîsarkê, Yekmalê û dewa Çembrobotkî ya ke pabesteya Çemankê  ya pê teyarayanê şerî dîyayî bombayan ver. Reyna Tîpa Tyî ya herêma Zapî û warê Girê Şehîd Rizgar û Werxelê yê Avaşînî pê helîkopteranê hêrişî dîyayî bombayan ver.''