Merkezê Îrtîbatî û Çapemenîye yê HPGyî ke derheqê çalakîyanê gerîlayan de eşkerayîye daye vat  çarçewa Hemleya ''Dem Demê Azadîye yo'' de çalakîyê gerîlayanê HPG û YJA Starî yê vera îşxalkeran dewam kenê.

Eşkerayîye de nê ameyî parekerdene:

''Hêzanê Pawitişî yê Hewayî yê Şehîde Delale 4 gulane de Qirê Azadî yê warê Zendûra yê Metîna de da îşxalkeran ro. Çalakîye de hedefî serkewte ameyî pirodayene.

Çarçewa ''Hemleya Şorişgêre ya Bazanê Zagrosî'' de;

4ê gulane de hêzanê ma Qilê Şehîd Serdarî yê Avaşînî de pê çekanê giranan vera îşxalkeran çalakîyêke kerde. Çalakîye de hedefê ke ameyî bewlîkerdene ameyî pirodayene. Badê çalakîye îşxalkeran dormeyê Qilê Şehîd Serdarî, Gundê Mervanosî û warê Kanîmasîyê pê çekanê giranan bombarduman kerdî.

Eynî roje warê Ciloyê Qicî yê Zapî de hêzanê ma yê YJA Starî îşxalkerê ke yew qilî de ameybî cakerdene da înan ro. Îşxalkerî nê qilî ra ameyî vetene û yew kameraya mobese ke înan tîya ca kerdîbî hetê hêzanê ma yê YJA Starî ra ameye îmhakerdene.

Çarçewa ''Hemleya Şorişgêre ya Cengê Xabûrî'' de;

4ê gulane de îşxalkerê ke Qilê Suîqestî yê warê Xantûrî yê Heftanînî de ameybî cakerdene hetê hêzanê ma  ra bado ke wexto derg gerîyayî binê kontrolî, bi taktîkê dame ameyî pirodayene.  Na çalakîye de 3 îşxalerî ameyî cezakerdene.

Eynî roje Qilê Tankê yê warê Zendûra yê Metîna de vera îşxalkeran çalakîya bitesîre ameye kerdene. Na çalakîye de di îşxalkerî ameyî cezakerdene. Badê çalakîye îşxalkeran merdeyê xo pê helîkopteran herême ra fînayî dûrî û warê Girê Tankê û Kêste bi bombarduman kerdî. Dimayê bombardumanî erazî de şewat vejîya.

Hêrişê hewayî

Hêrişê hewayî yê vera Hêramanê Pawitişî yê Medya dewam kenê. Detayê hêrişan wina yê;

3ê gulane de warê Zendûra û herêma Dergelê yê Metîna pê teyarayanê şerî ameyî bombardumankerdene.

4ê gulane de warê Adilbegî, Aris Farisî, û herêma Stûna yê Avaşînî, ameyî bombardumankerdene.

Eynî roje Qilê Şehîd Munzurî, Qela Mamreşoyî, Mervanos  û Qilê Şehid  Dilgeşî yê Avaşînî saetanê şewe de verî ameyî bombardumankerdene dima ra tîya leşkerê tirkî ameyî cakerdene.

4ê gulane de warê Qela Bêdewê û Ciloyê Qicî yê Zapî pê helîkopteranê hêrişî  ameyî bombrdumankerdene û saetanê şewe de warê Qela Bêdewê de pê helîkopteran leşkerî ameyî cakerdene.

Nê hêrişanê giranan ê artêşa tirke de vînîbîyayeyê ma çîn ê.''