Merkezê Îrtbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

 “Herêma Zapî;

16ê teşrîna verêne de Warê Xoverdayîşî yê Girê Cûdîyî de droneyo teqaber barkerde hewa de ame pirodayene û îmhakerdene. Na çalakîye hetê hêzanê ma yê YJA Starî ra ameye kerdene. Eynî roje Warê Xoverdayîşî yê Girê Amediyê de îşxalkerî bi çekanê ferdî û giranan ameyî pirodayene, di mewzîyî ameyî derbkerdene.

Herêma Metîna;

16ê teşîrîna verêne de Warê Xoverdayîşî yê Girê Çarçelî de saetanê nêmroje de îşxalkerî di rey bi taktîkê suîkastî û çekanê giranan ameyî pirodayene. Çalakîyan de 2 îşxalkerî ameyî ceakerdene, îşxalkerêk birîndar bi û mewzîyêke ameye derbkerdene. Saetanê cemê şanî de bi çalakîya bi koordîne îşxalkerî di hetan ra ameyî pirodayen, îşxalkerêk ame cezakerdene. Na çalakîye hetê hêzanê ma yê YJA Starî ra ameye kerdene. Saetanê şanî de herêma Metîna de helîkoterî gêrayî, hêzanê ma mudaxale ker helîkopterî herême ra kewtî dûrî.

Herêma Xakurkê;

16ê teşrîna verêne de mabênê Girê Şehîd Kamuran û Girê Şehîd Heqî de îşxalkerî bi çekanê giranan ameyî pirodayene. Na çalakîye de 2 îşxalkerî ameyî cezakerdene, 2 îşxalkerî birîndar bîyî. Na çalakîye hetê hêzanê ma yê YJA Starî ra ameye kerdene.

Çekê qedexeyî;

15ê teşrîna verêne de Warê Xoverdayîşî yê Girê Çarçelî de mewzîyê xoverdayîşî bi droneyanê teqaber barkerdeyan dîyayî bombayan ver. 16ê teşrîna verêne de Warê Xoverdayîşî yê Girê Cûdî û Girê Amediyê de mewzîyê xoverdayîşî bi droneyanê teqaber barkerdeyan û teqaberanê qedexeyan dîyayî bombayan ver.

Bombaduman;

14,15ê teşrîna verêne de warê Gundê Dergelê û Gunê Mîskan, warê Kendekola û Awa Lolanê yê Xakurkê bi teyarayanê şerî, herêmê Zap û Metîna bi helîkopteranê hêrişî  û topan dîyayî bombayan ver.”