Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û çalakîyanê gerîlayan de eşkerayîye daye û nê pare kerdî:

''Hêzê ma yê HPG û YJA Starî vera hêrişanê îşxalî yê dewleta tirke çalakîyanê bitesîran kenê û derbanê pîlan danê îşxalkeran ro û serkewtişanê pîlan fînenê dest. Xoverdayîşê hêzanê û çalakîyê Hêzanê Pawitişî yê Hewayîyê Şehîde Delale  hêzê gerîlayan mojneno.

Na çarçewe de çalakîyê ke Hemleya Dem Demê Azadîye yo de ameyî kerdene wina yê;

29ê nîsane de Hêzanê Hewayî yê Şehîde Delale vera baregehê dewleta tirke ya îşxalkere yê Kanî Masî yê Amedîyê yê Başûrê Kurdîstanî di çalakîyê serkewteyî kerdî.

Çarçewa ''Hemleya Şorişgêre ya Bazanê Zagrosî'' de;

29ê nîsane de Qilê Şehîd Serdarî yê Avaşînî de îşxalkeranê ke waşt bikewê mewzîyanê şerî ameyî pirodayene û verê înan ame girewtene. Eynî roje Qilê Mamreşoyî yê Avaşînî de înan cehd kerd ke bikewê mewzîyanê şerî. Têdima 8 reyî mewzîyî ameyî bombardumankerdene û teqayîşî ameyî kerdene la rixmê nayî îşxalkeran netîceyêke nêgirewte.

Eynî roje îşxalkeran bi helîkopteran waranê Memreşo, Şehîd Serdar û Mervanosî yê Avaşîn de leşkerê xo takvîye kerdî û merde û birîndarê xo berdî. Eynî wextî de helîkopteran hêrişî Mamreşo, Gundê Mamreşoyî, Dola Şîvê, Mervanos, Qirrika Şukê, Kanî Ga,  Şehîd Serdar û Şehîd Dilgeşî bombarduman kerdî.

Reyna 29ê nîsane de îşxalkeranê ke waşt Qirrika Nêrwe yê Zapî de xo ca bikerê verî gerîyayî binê kontrolî dima ra hîrê hetan ra ameyî pirodayene. Na çalakîye de 3 îşxalkerî ameyî cezakerdene û îşxalkerî gamêke peyser ancîyayî.Qilê Şehîd Mervanî yê Zapî de zî helîkopterêk hedef ame girewtene. Helîkoterêkî kila girewt herême ra kewt dûrî. Tîya heta şan ge ge pêkewtişî qewimîyayî la humara merde û birîndaran safî nêbîye. Eynî roje çalakîya Qilê Serxwebûnî yê Avaşînî de zî mewzîyêke ameye îmhakerdene û 3 îşxalkerî ameyî cezkakerdene. Nê çalakîyan de bi temamî 6 îşxalkerî ameyî cezkakerdene û helîkopterêk ame derbkerdene.

Hêrişê hewayî

29ê nîsane de warê Herfa Tyî  û Ciloyê Qicî yê Zapî  pê teyranê şerî, Qilê Zendûra û warê Kêste û Derarê yê Metîna zî pê helîkopteran ameyî bombardumankerdene. 30ê nîsane de Qilê Şehîd Serhadî yê Derarê yê Metîna de 3 reyî pê teyaranê şerî ame bombardumankerdene. Nê hêrişan de vînîbîyayeyê ma çîn ê.''