Çalakîya Gerîlayanê Azadîye yê Kurdîstanî de 5 leşkerê tirkî yê îşxalkerî ameyî cezakerdene. 7 gerîlayanê ke şertanê zehmetan ê zimistanî de, bi hewayêkê qehremankî şer kerd, tewrê kerwanê şehîdan bîyî.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:
Çarçeweya Hemleya Şorişgêre ya Bazanê Zagrosî de herêma Zapî;
''4ê sibate de sîtemêkê kameraya mobese yo ke îşxalkeran dormeyê mewzîyanê têkoşînî yê gerîlayan ê nêzdîya dewa Sîda ya bajarekê Şeladizê yê Amedîyê de ca kerdbi, hetê hêzanê ma ra bi taktîkê suîkastî ame îmhakerdene.
Çarçeweya Hemleya Şorişgêre ya Şehîd Savaş Maraşî ya Cenga Xebûrî de;
2ê sibate Girê Hakarî de îşxalkerî bi çalakîyanê koordîneyinan ê gerîlayan 6 hetan ra ameyî hedefgirewtene. Îşxalkeran tersê gerîlayan ra telê teliyinî yê hîrkatî nayî ro. Gerîlayan nê telî û projektorê înan ra bi hewayêkê pîsporî ravêrtî û şîyî mewzîyanê îşxalkeran ser. Hêzê ma rixmê şertanê zehmetan ê zimistanî û vewra ke çend metreyî varaya, bi ruhê fedaîyî çalakîya xurte kerde. Netîceya çalakîye de 5 îşxalkerî ameyî cezakerdene 3 sîstemê kameraya mobese, 4 mewzî, çekêka A4, çekêka B7 û çekêka bombaeştişî ameyî îmhakerdene.
Na çalakîye, pêkewtişan û hêrişê hewayî de 7 hemrayê ma yê ke semedê amayoxê azadî yê şarê xo bi hewayêkê fadaîyî şer kerdêne tewrê kerwanê şehîdan bîyî. Nasnameyê şehîdanê ma yê bêmergan do peyra bêrê eşkerakerdene.
4ê sibate de mewzîyê şerî yê gerîlayan ê herêma Çemçoyî pê bobmayanê qedexeyan dîyayî bombayan ver. 2 û 4 ê sibate de Warê Xoverdayîşî yê Girê Hakarî û herama Çemçoyî pê teyarayanê şerî, obus, tanq û çekanê giranan dîyayî bombayan ver.''
