Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye dayî û nê pare kerdî:

Xakûrê

''16ê hezirane de Qilê Koordîne yê warê Şehîde Bêrîtane de vera îşxalkeran çalakîya koordînekerdîye ameye kerdene. Çalakîye de mewzîyêke ameye îmhkerdene û 3 îşxalkerî ke tede bî ameyî cezakerdene. Reyna kameraya mobesse zî ameye îmhakerdene.

 Metîna

14ê hezirane de îşxalkeranê ke cehd kerdêne ke dormeyê tunelanê şerî yê warê Kêste  de ca bidê xo ameyî pirodayene. Çalakîye de îşxalkerêk ame cezakerdene û îşxalkerêk zî birîndar bi. 16ê hezirane de  hela ke îşxalkeran Qirrika Mîlîtanî de sîstemê radarî ronayêne  hetê hêzanê ma ra ameyî pirodayene. Na çalakîye de îşxalkerêk ame cezakerdene û yew zî birîndar bi.

Avaşîn

16ê hezîrane de warê Ganî Ga de vera îşxalkeran çalakîya derbekerdişî ameye kerdene. Çalakîye de tewr tay 2 îşxalkerî ameyî cezakerdene.

Waranê Avaşîn, Metîna û Zapî de têgêrayîşê helîkopteran est bi û pê helîkopteranê hêrişî û obus û hewananê ke qerqolanê sînorî ra ameyî eştene ameyî bombardumankerdene.

16ê hezîrane de warê Mamreşo, Mervanos, Girê Silêmanî, Girê Sipî û Banîsta de têgêrayîşê helîkopteran qewimîya. Îşxalkerê ke nê waran de yê pê helîkopteran ameyî bedilnayene. Eynî wextî de Girê Sor û Girê Şehîd Întîkamî pê helîkopteranê şerî ameyî bombardumankerdene. Reyna Qilê Şehîd Çîya û Qirrika Mîlîtanî yê Metîna û warê Ciloyê Qijî yê Zapî de têgerayîşê helîkopteran qewimîya. 16-17ê hezîrane de warê Çemçoyî yê herêma Zapî qereqolanê sînorî ra pê obus û hewanan ame bombardumankerdene.''