Merkezê Îrtîbatî û Çapemenîye yê HPGyî derheqê çalakîyanê gerîlayan ê Botan, Zap, Metîna, Avaşîn û Xakûrkê de eşkerayîyêke weşanaye.

Eşkerayîye wina ya:

''1-Hêzanê Pawitişê Hewayî yê Şehîde Delale 11ê hezîrane de saete 09.00 de warê Kilîse yê Avaşînî de hewayî ra da îşxalkeran ro. Çalakîye de bi hawayêkê serkewteyî hedefî ameyî pirodayene.

2-Warê Botanî de çarçewa Hemleya Serfîrazîye ya Egîdanê Botanî de;

-Hêzanê ma mabênê dewanê Osyan û Aqîrê yê warê Besta yê Berwarîya Sêrtî de îşxalkerî girewtî binê kontrolê xo. 9ê hezîrane de da înan ro. Milê yewinî da kuleyê îşxalkeran ro û nê warî de 4 îşxalkerî ameyî cezakerdene. Milê diyînî de çepero ke tede 3 îşxalkerî estbîyî ame pirodayene û tede 2 îşxalkerî ameyî cezakerdene. Îstansyonê bazî zî ame îmhakerdene. Çalakîye de 6 îşxalkerî ameyî cezakerdene, îstasyonê bazî ame îmhakerdene û waro ke binê kontrolê artêşa tirke de bi, ame hedefkerdene. Qoricîyî qetî hedefê ma nîyê. Ma nêzanayêne ke qoricîyî zî uca de yê. Ma keyeyê qoricî Mehmet Babatî rê serweşîye wazenê. Dewleta tirke qestî ra qoricîyan erzena vernî. Ganî qoricîyî baldar bibê, nêkewê dafika dewlete.

3-Çarçewa Hemleya Şorişgêre ya Bazanê Zagrosî de herêma Avaşînî de;

10ê hezîrane de warê Werxelê de hêzanê ma tunelanê şerî ra di milan ra bi koordîneyî pê çekanê ferdîyan da îşxalkeran ro. Îşxalkeranê ke remayî peyê xo de hacetê leşkerîyî verdayî. Hêzanê 12ê hezîrane de dest na 250 kîlo teqaberî, çanteyêkê leşkerî, detektorêkê mayînan û dûrbînêkê îşxalkeran ser.

12ê hezîrane de wexto ke îşxalkeran xo nêzdîyê çeperanê şerî yê warê Werxelê kerd, vera înan çalakîyêke ameye kerdene. Îşxalkeranê ke derbe werde xo qismêk apey girewt. Îşxalkeran dima pê bombayanê gazî waşt ke hêrişê tunelan bikerê la hêzanê ma da înan ro. Îşxalkeranê ke remayî waşt pê droneyan xo çeperan ra nêzdî bikerê la hêzanê ma droneyê înan îmha kerdî.

12ê hezîrane de îşxalkeran pê helîkopteran warê Werxelê, Mervanos, Mam Reşo û Şûkê de leşkerê xo vurnayî.

13ê hezîrane de pê obus û hawananê qereqolanê sînorî warê Werxelê dîya bombayan ver. Dima zî 8 reyî heman war dîya bombayan ver.

4-Herêma Zapî de;

12ê hezîrane de warê Kûnişka pê obus û katyuşayan dîya bombayan ver û adir kewt war. Şewat hema zî dewam keno.

-12ê hezîrane de warê Sîda 3 reyî, warê Çemçoyî, warê Herfa Tyî, warê Kûnişka dîyayî bombayan ver. Mudaxeleyê hêzanê ma ra dima helîkopterî neçarî ra Kûnişka ra vejîyayî. Heman roje warê Cîloya Biçûk û Herfa Tyî ser o helîkopterî gêrayî û warê Herfa Tyî dîya bombayan ver.

5-Hêzanê ma yê YJA-Starî 12ê hezîrane de pê çekanê giranan da îşxalkeranê Girê Şehîd Axîn a Xakurkê ro. Na çalakîye de 2 îşxalkerî ameyî cezakerdene.

6-13ê hezîrane de dewa Hirorî yê Metîna pê obus û hawanan dîya bombayan ver.

7-Hêzê PDKyî yê Metîna her ca de çeper û rayîran virazenê. 12ê hezîrane de serê sibayî hêzanê ma na herême de ceribnayîşêk kerd. Wextê ceribnayîşî de hêzanê PDKyî koordînatê hêzanê ma tesbît kerdî û dima dayî dewleta tirke. Dima na herêma ke tede embazê ma estbîy hetê teyarayanê tirkan ra dîyaye bombayan ver. La semedo ke hêzanê ma tedbîrê xo hol girewtî zerarêk nêresa hêzanê ma ser.''