Merkezê Îrtîbatî û Çapemenîye yê HPGyî îfade kerd ke hêzê gerîlayan pê ruhê Apogîrîye çarçewa Hemleya 'Wextê Azadîye' de  hewa û erdî ra çalakîyanê xo rê dewam kenê. HPGyî derheqê çalakîyan de nê agahîyî dayî:

Zendûra

''Hêzanê Pawitişî yê Hewayî yê Şehîd Delale 9ê gulane de saet 07:30, 08:15 ve 09:40 de îşxalkerê ke Girê Zendûra yê Metîna de cabîyê hewayî ra kerdî hedef û 3 çalakîyî kerdî. 3 çalakîyan de zî bi hawayêkê serkewteyî hedefî ameyî pirodayene.

Çarçewa Hamleya Bazanê Zagrosî de;

7ê gulane de herêma Avaşînî de vera îşxalkeran Girê Şehîd Dilgeşî de çalakîyêka sûîkastî ameye kerdene. Netîceya çalakîye de îşxalkerêk ame cezakerdene.

7ê gulane de herêma Xakûrkê de vera îşxalkeranê Girê Şehîd Şahanî de çalakîyêka hêrişî ameye kerdene. Verî koziko ke tede 2 îşxalkerî est bîyî ameyî hedefkerdene. Kozik ame îmhakerdene û 2 îşxalkerî ameyî cezakerdene. Dima zî hêzanê ma da kozikêkê bînî ro û o zî îmh kerd. Qasê ame tesbîtkerdene 4 îşxalkerî ameyî cezakerdene. Reyna îşxalkerê bînî yê girî ameyî pirodayene û netîce de radarêk ame îmhakerdene.

Na çalakîya hêrişî de ke seba qesasê Şehîdanê Mamreşoyî ameye kerdene bi temamî 6 îşxalkerî ameyî cezakerdene, 2 kozikî û radarêk ameyî îmhakerdene. Çalakîye ra dima îşxalkeran derûdor da bombayan ver.

8ê gulane de herêma Avaşînî de vera îşxalkeranê ke xîret kerdêne Girê Şehîd Ekînî de aver şorê çalakîya sabotajî ameye kerdene. Çalakîye de îşxalkerêk ame cezakerdene. Artêşa îşxalkere dima xo warî ra apey girewt.

Hêrişê vera Herêmanê Pawitişî yê Medya

Agahîyê derheqê bombarduman û hêrişanê îşxalkeran de wina yê:

''7ê gulane de herêma Avaşînî de waranê Şehîd Munzur, Qela Mamreşoyî, Aris Faris, Mervano û Şukê de têgêrayîşê helîkopteran estbî.

8ê gulane de Girê Zendûra yê Metîna, derdora Çemê Lolanê yê herêma Xakurkê Girê Meyrokê ya Garê, dewa Kêste ya Metîna dîyayî bombayan ver. Heman roje helîkopterî serê Giranê Şehîd Serhed, Koordîne û Dilberî yê herêma Metîna ser o gêrîyayî.

Nê bombardumanan de zerarêk nêresa hêzanê ma ser.''