Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

Eşkerayîye de nê ameyî parekerdene:

Hemleya Şorişgêre ya Cengê Xebûrî

''16ê tebaxe de Girê Kato yê warê Zendûra yê herêma Metîna de îşxalkerî di rey pê çekanê giranan ameyî pirodayane. Eynî roje Qirrika Girê Azadî ya Metîna de zî çalakîyêka sabotajî ameye kerdene, tewr tay îşxalkerêk ame cezakerdene.

Hemleya Şorişgêre ya Bazanê Zagrosî

16ê tebaxe de warê Stûnê yê herêma Avaşînî de di helîkopterê hêrişî hetê hêzanê ma ra ameyî pirodayene. Helîkopteranê ke derbî werdî peyser remayî

16ê tebaxe de qezaya Geverî ya Colemêrgî de vera îşxalkeran çalakîya sabotajî ameye kerdene. Di wesayîtê zirxînî yê tipê Kirpî yê ke ver bi Qereqolê Wargenima şîyênî hetê hêzanê ma ra pê taktîkê sabotajî ameyî pirodayene. Netîceya çalakîye de wesayîtêk bi temamî ame îmhakerdene û 9 îşxalkerî ameyî cezakerdene.

Na çalakîya serkewtîye semedê qesasê hemwelatîyê ma Îbrahîm Hesîno ke hetê dewleta tirke ra ame şehîdkerdene, ameye kerdene.

16 tebexe de Waranê Girê Sorî, Girê Sipî, Tabûrê Ereban, Girê Silêmanî, Banista û Mervanosî yê Avaşînî û warê Qaşûra yê Metîna de têgêrayîşê helîkopteran qewimîya.

16 û 17ê tebaxe de tunelê şerî yê warê Girê Sorî pê çekanê giranan ameyî bobmardumankerdene. Nê wird rojan de reyna vera tunelanê şerî yê Warxelê di rey gazê kîmyewîyî ameyî şuxulnayene. Netîceya  hêrişê qereqolanê sinorî warê Stûnê herême de şewato ke vejîya dewam keno.

12ê tebaxe de dormeyê dewa Banîkê yê Heftanînî û 16ê tebaxe de warê Herfa Tyî yê Zapî û dormeyê dewanê Kêstê û Hirorê yê Kanî Masî û Girê Zendûra  yê Metîna pê helîkopteranê hêrişî ameyî bombardumankerdene. Eynî roje warê Kafya yê herêma Garî zî di rey pê teyarayanê şerî ame bombardumankerdene.''