Merkezê Îrtîbat û Çapemenîye yê HPGyî pê eşkerayîyêke nasnameyê 2 şehîdanê Zapî eşkera kerdî.

Eşkerayîya HPGyî wina ya:

''17ê nîsna 2018î de hêrişê hewayî yê dewleta tirke ya îşxalkere de eyaletê Zapî de embazê ma Cîlo û Mahîr şehîd bîyî. Nasnameyê embazanê ma yê şehîdan wina yê:

Nameyê Qodî: Cilo Elbak Name û Peyname: Burhan Delîbaş Cayê Bîyayîşî: Wan Maye-Pî: Aynure – Şevket Ca û Tarîxê Şehadetî: 17ê Nîsana 2018î / Zap

Nameyê Qodî: Mahir Zozan Lice Name û Peyname: Şaban Doguç Cayê Bîyayîşî: Amed Maye-Pî: Feleke – Nurettîn Ca û Tarîxê Şehadetî: 17ê Nîsana 2018î / Zap

Embazê ma Cîlo û Mahîr keyeyanê welatperweran de bîyî pîl. Embaz Cîlo û Mahîr vera polîtîkayanê teda û koçberîye yê dewleta tirke tewrê têkoşînî bîyî. Nînan kerdişê zulmkerî yê dewlete nêzdî ra dîyî, pê birêka radîkale têkoşînê gerîlayan de ca girewt.Wird embazê ma pê îdeolojîya Rayber Apoyî geş bîyî, înan kesayetê xo yê milîtanîya fedayîye mojna.

Embaz Cîlo û Mahîr Zagrosan de bîyî wayîrê pratîkê rayberî û xeylêk çalakîyan de ca girewt, pêro wezîfeyê xo ardî ca, fedakarîyêka pîle mojnaye. Serra 2017î de têgêrayîşê ma vera artêşa tirke Eyaletê Zapî de xoverdayîşêko pîl mojnabi û artêşa îşxalkere xo warê Qela Bedewê ra antbi. Embaz Cîlo û Mahîrî nê prosesî de bi hawayêkê aktîfî çalakîyan de ca girewt û nêverda ke wa dişmen çimê xo abikero. Embazanê ma 2018 de zî xeylêk çalakîyî kerdî û 17ê nîsana de bombardumanêk de wirdî zî şehîd bîyî. Embazanê ma Cilo û Mahîr pê çêrîya ruhê fedayî ya Apogîrîye û coşêkê pîlî mîsalê çêrî mojnayî  û ê do rayîrê ma yê serfîrazîye roşnî bikerê.

Sere de keyeyanê ercîyayeyan ê şehîdanê ma rê ma pêro şarê welatperwerî yê Kurdîstanî rê serweşîye wazenê. Ma sond wanenê ke ma do têkoşînê embazanê ma yê şehîdan pê serkewtişî tacîdar bikerê.''