Merkezê Îrtîbatî û Çapemenîye yê HPGyî da zanayene ke  hêzanê artêşa tirke ya îşxalkere Dêrsim de dest bi operasyonî kerd, bax û baxçeyî talan kerdî û daristanî vêşnayî.

HPGyî derheqê babete de nê çîyî pare kerdî: ''3ê tebaxe de artêşa TCyî ya îşxalkere warê Nênikanî yê Dêrsimî de dest bi operasyonî kerd. Artêşa TCyî heman roje herême ser o bombayî varnayî, bi helîkopteran leşkerê xo ardî war. Operasyon heta 4ê tebaxe saetanê nêmroje dewam kerd û bênetîce qedîya Îşxalkeran temamîya operasyonî de bax û baxçeyî texrîb kerdî û daristanî vêşnayî.

Teyarayanê şerî yê artêşa TCyî ya îşxalkere hêrişê xo yê vera Hêremanê Pawitişî yê Medya dewam kena. Na çarçewe de:

11ê tebaxe de teyarayanê şerî warê Korojaroyî yê Herêma Zapî ser o bombayî varnayî.

13ê tebaxe de teyarayanê şerî warê Girê Sorî yê Herêma Avaşînî û Aris Farisî ser o bombayî varnayî.

Nê bombardumanan de zerarêk nêresa embazanê ma ser.''