Merkezê Îrtîbatî û Çepemenîye yê HPGyî derheqê hêrişanê dewleta tirke de eşkerayîye daye û nê vatî:

''Dewleta tirke rixmo ke gerîlayan çalakîyê xo vindarnayî, hêrişî rê dewam kena. Hêzê ma çarçeweya xopawitişî de cewabê îşxalkeran danê. Detayê hêrişanê dewlata tirke wina yê:

Herêma Zapî de;

18ê adare de Artêşa tirke hêrişê mewzîyanê xoverdayîşî yê Çemçoyî kerd, hêzanê ma semedê xopawitişî cewab da, îşxalkerêk ame cezakerdene. 19ê adare de artêşa tirke derûdorê mewzîyanê xoverdayîşî yê Sîda de sîstemê kamera mobese cakerd. Hêzanê ma çarçeweya xopawitişî de cewabê îşxakeran da û sîstemêkê kameraya mobese îmha kerd.

Herêma Metîna de;

18ê adare de artêşa tirk a îşxalkere droneyî şawitî serê Warê Xoverdayîşî yê Girê FMyî. Hêzê ma ke mecbûr mendê xo bipawê û dronayêk îmha kerd. 18 û19ê adare de Warê Xoverdayîşî yê Girê FM, mewzîyê xoverdayîşî yê Çemço û Sîda pê obus, tank û çekanê giranan 26 rey dîyayî bombayan ver.