Merkezê Îrtîbatî û Çapemenîye yê HPGyî derheqê hêrişê artêşa tirke yê vera Başûrê Kurdîstanî de zanayîş da.

HPGyî da zanayene  dewê şarî û Herêmê Pawitişî yê Medya pê teyarayanê şerî û helîkopteranê hêrişî yenê bombardun kerdene û vat îşxalkerî Avaşîn de daran birnenê.

Eşkerayîye de nê ameyî vatene:

''13ê hezîrane de dewa Bêbabê yê Duhokî pê teyarayanê şerî ameye bombardumankerdene.

16ê hezîrane de warê Kafya yê herêma Garê û dewa Dirê yê herêma Avaşînî pê teyarayanê şerî ameye bombardumankerdene.

16ê hezîrane de warê Werxelê yê Avaşnî de tunelê şerî pê teyarayanê şerî ameyî bombardumankerdene. Eynî wextî de herême ser o dronayî gêrayî. Bado ke hêzanê ma mudaxale kerd droneyî herême ra kewtî dûrî. Reyna 17-18ê  hezîrane de zî nê tunelî pê çekanê giranan ameyî pirodayene.  

17ê hezîrane de waranê Mamreşo, Mervanos û Tabûra Ereban de têgêrayîşê helîkopteran qewimîya.

Eynî roje warê Gundê Fîla yê herêma Zapî,pê teyarayanê şerî û dewê Hirorê û Kestê , Qilê Zendûra pê helîkopteranê hêrişî ameyî bombardumankerdene.

Îşxalkerî waranê Tabûra Ereban, Werxelê û Kîlîse yê herêma Avaşînî de daran birnenê.''