Merkezê Îrtîbatî û Çapemenîye yê HPGyî nasnameyê çar gerîlayanê ke Eyaletê Mêrdînî de şehîd bîyî eşkera kerdî.

Eşkerayîya HPGyî wina ya:

''Ma eşkerayîya xo ya 8ê nîsane ya 2021î de dabi eşnawitene ke 29ê adare  de saetanê cemê şanî de herêma Bagokî ya Eyaletê Mêrdînî de operasyon ame destpêkerdene. Operasyono ke warê Kela Şehîdan de ame kerdene de hîrê saetî bombayî ameyî varnayene. Dima helîkopteran herême bombarduman kerd û leşkerî herême de ca kerdî. Netîceya operasyonê di rojan û pêkewtişan de çar embazê ma şehîd bîyî.

Nasnameyê embazanê ma yê ke şehîd bîyî wina yê:

Nameyê Qodî: Hewram Avyer Name û Peyname: Hasan Mahmûdî Cayê Bîyayîşî: Sine Maye-Pî: Gulîstane-Salar Tarîx û Cayê Şehadetî: 29-30'ê Adara 2021 / Mêrdîn

 

Nameyê Qodî:  Rêber Kurdistan Name û Peyname: Eyyup Çam Cayê Bîyayîşî: Mêrdîn Maye-Pî: Gazalî-Çeçan Tarîx û Cayê Şehadetî: 29-30'ê Adara 2021 / Mêrdîn

 

Nameyê Qodî: Agît Timok Name û Peyname: Kahraman Sûnar Cayê Bîyayîşî: Êlih Maye-Pî: Fatma-Bedrettîn Tarîx û Cayê Şehadetî: 29-30'ê Adara 2021 / Mêrdîn

 

Nameyê Qodî: Rustem Fîraz Name û Peyname: Îsmet Bîlgîç Cayê Bîyayîşî: Mêrdîn Maye-Pî: Rabîa-Îsa Tarîx û Cayê Şehadetî: 29-30'ê Adara 2021 / Mêrdîn

Hewram Ayver

Hemrayê ma  Hewramo ke Rojhilatê Kurdîstanî de ameyo dinya bi welatperwerîya şarê Rojhilatî û xoverdayoxîya Hewremanî bîyo pîl û Têgêrayîşê Azaîdye yê Kurdîstanî nêzdî ra nas kerda.Hemra Hewramî gama ke unîversîte de beşê muhendîsîya bîlgîsayarî wendêne semedê azadîya şarê kurdî tewrê sefanê gerîlayan bi û wextêko kilm de bi fermadarêko serkêş. Sere de Qendîl xeylêk waran de mend û bado ke 2013 de perwerdeyo leşkerî û îdeolojîk  girewt verê xo da Vakurê Kurdîstanî. Verî Fermandarîya Besta de dima zî Fermandarîya Cûdîyî de ca girewt û Cûdî de pîya bi hemra Gelhat Gabarî fermandarîye kerde. Bado ke hemra Gelhatî verê xo da Kobanê, hemra Hewramî cayê ey girewt. 2015 de xeylêk çalakîyê serkewteyî koordîne kerdî. Vextê xoverdayîşê xoîdarekerdişî de vera qirkerdişanê dewleta tirke şi Cizîre. Xoverdayîşo destankî yê Cizîre yê  9 rojan o ke wextê ablûqaya pîle de ame dayene ci rê fermandarîye kerde. Vera nê xoverdayîşî de dewleta tirke mecbur mend ke peyser agêro. 2016 de pîya bi 60 hemrayanê xo kewt Silopî û tîya di rojî înîsîyatîf girwewt dest û bi desan polîs û leşkeran ra qesasê şarî girewt.  Reyna Cûdî ra heta Besta, Garîsa ra heta wareyanê Katoyî  xeylêk çalakîyê serkewteyî kerdî. 2017 de sey Fermandarê Kato Jirka xeylêk çalakîyê koordîne kerdî û tede ca girewt. Netîceya nayî de birîndar bi û semedê tedawî ravêrt Herêmanê Pawitişî yê Medya.  Wextêk Fermandarîya Akademîya Apollonî kerd û hem xo hem zî embazê xo xeta Gerîlayê Modernîteya Demokratîke de perwede kerdî. 2019 de sey Fermndarê Eyaletê Mêrdînî verê xo da Vakurê Kurdîstanî. Hemrayê ma Hewram bi tewir, tewrbîyayîş û pratîkê xo bi sembolêk.

Rêber Kurdîstan

Hemrayê ma Rêber Kurdîstan keyeyêko welatpewer ê Qoserê Mêrdînî de ameyo dinya û sey heme ciwananê kurdan vera sîyasetê qirkerdişê dewleta tirke xoverdayîş sey wezîfeyêk girewto xo ser xebatanê cîwanîye de ca girewto. Rixmo ke unîversîte de beşêkê holî de wendêne 2012 de wextê şerî giranî de tewrê sefanê gerîlayan bi. Metîna ra heta Qendîl, Qendîl ra heta Garê xeylê k cayan de pratîk falîyet rayra berd û heme waranê cuya gerîlatîye de xo aver berd.  Çarçewa na qeradarîye û pîsporîye de verê xo da Eyaletê Mêrdînî. 7 serrî tîya game game arazîya ra gera xeylêk çalakîyan de sey serkêşî ca girwet û pê tecrubeyanê xo bi fermandarêko nimûne.

Agît Timok

Hemrayê ma Agît Timok dewa Timokî ya ke bi welatperwarîye xo yena naskerdene de ameyo dinya û domanîya xo ra Têgêrayîşê Apoyî naskerdêne û ci rê sempatîya ci estbî. Hemrayê ma Agît serranê xo yê qican de tewrê xebatanê ciwanan beno û 2014 de vera xo dano sefanê gerîlayan. Wextê hêrişê DAÎŞî de semedê pawitişê êzidîyan şino Şingal û tîya wezîfeyê xo yê tarîxî bi serkewtiş ano ca û agêra Herêmanê Pawitişî yê Medya. Badê vînayîşê perwerdeyê îdeolojîkî verê xo da Vakurê Kurdîstanî û tîya bi mîlîtanêko Apoyî yo serkêş.

Rustem Fîraz

Hemrayê ma Rustem Fîraz keyeyêko welatperwer ê Mîdyatê Mêrdînî de ameyo dinya û sey welatpewerêkî bîyo pîl. Vera hêrişê dewleta tirke û DAÎŞî yê vera Rojawanî tewrê Hêzanê Şorişgêran ê Rojawanî bîyo.  Rojawan de xeylêk cepheyan de  sey qehremanêk şerd ked û badê binkewtişê DAÎŞî verê xod dayo koyanê Kurdîstanî. Bado ke xo perwerde kerd û resna verê xo dayo Vakurê Kurdîstan û sey bi mîlîtanêko Apoyî yo serkêşî tewrê kerwanê şehîdan bi.

Embazê ma yê qehremanî y ke sey bawerîya xo ciwimîyayî û semedê armancê xo têkoşîn kerd semedê heme şarê Kurdîstanî vîrarîya xoverdaşî yê ke  ma do timûtim pê înan sereberz ê. Ma sozê xo yê caardişê waştişanê gerîlayan reyna newe kenê û sere de keyeyê ercîyayeyî yê hemrayanê û heme şarê welatpewerî yê Kurdîstanî rê serweşîye wazenê.''