Merkezê Îrtîbatî û Çapemenîye yê HPGyî detayê hêrişanê dewleta tirke yê mabênê 30 teşrîna peyêne û 1ê kanûne pare kerdî.

HPGyî vat, '' Warê gerîlayan û cayê sîvîlan ê Herêmanê Pawitişî yê Medya 39 rey pê teyarayanê şerî dîyayî bombayan ver. Bombarduman de zerarêk nêrasa hêzanê ma la bexçe û warê roniştişî yê şarê herême zirar dî.''

Detayê çalakîyanê gerîlayan û hêrişê artêşa tirke wina yê:

Herma Zapî

29ê teşrîna peyêne û 1ê kanûne de Warê Xoverdayîşî yê Girê Cûdîyî de îşxalkerî pê çekanê giranan û otomatîkan ameyî pirodayene. Îşxalkerêk birîndar bi û di mewzîyî ameyî derbkerdene. 2ê teşrîna peyêne de Warê Xoverdayîşî yê Girê Amediyê de zî îşxalkerî pê çekanê giranan ameyî pirodayene.

Herêma Metîna

30ê teşrîna peyêne de Warê Xoverdayîşî yê Girê  Ortê de îşxalkerî pê çekanê giranan ameyî pirodayene.

Çekê qedexeyî

29 û 30ê teşrîna peyêne de mewzîyê şerî yê Warê Xoverdayîşî yê Girê Çarçel û Girê Ortê yê Metîna û mewzîyê şerî yê Warê Xoverdayîşî yê Girê Amediyê yê Zapî pê droneyanê bombebarkerdeyan,gazanê kîmyewîyan û teqaberanê qedexeyan dîyayî bombayan ver.

Bombarduman

3ê teşrîna peyêne û 1ê kanûne de warê Deşta Kafya, Gundê Zêvkê, Gundê Rêbînê, Gundê Dêreşê, Girê Zengil, Gundê Kanîgûzê, Gundê Girikreşê yê Garê,warê Gundê Bêşîlî, Gundê Şêlazê, Gundê Dergelê, Gundê Xankê, Gundê Bazê yê Metîna, warê Ava Lolanê, Kendakola, Girê Şehîd Şerîf, Sinînê, Xinêra Jor, Goşînê yê Xakurkê,Warê Xoverdayîşî yê Girê Baharî yê Zapî û warê Gundê Bobrîska yê Qendîlî 39 rey pê teyarayanê şerî dîyayî bombayan ver. Reyna herêmê Zap, Metîna û Xakurkê  pê helikopteranê hêrişî û topan dîyayî bombayan ver.''