Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye. Eşkerayîye wina ya:

''Hêzanê ma serrgêra ronîyayîşê PKKyî de Operasyono Şorişgêr ê Şehîde Leyla Sorxwîn kerdbî û derbê giranî dabî artêşa îşxalkere ro. Embazanê ma bi ruhê fetîhî 18 îşxalkerî ceza kerdî. La dewleta tirke ya îşxalkere kişte û derbê ke werdê nimitî. La ganî rayaumûmîye bizane ke dewleta tirke pê zûran xapînena. Hema zî destê ma de cenazayê leşkeran est ê û artêşa tirke wayîra cenazayanê xo nêvejîyena.

Artêşa îşxalkere teyna nameyê hîrê leşkeranê ke Operasyonê Leyla Sorxwîn de ameyî cezakerdene eşkera kerdî. La nînan ra ber leşkerê bi nameyê Yasîn Kayul û Îsmaîl Yilmaz zî ameyî cezakerdene. Operasyonê Şorişgêrî yê Leyla Sorxwîn hem derbê giranî dayî artêşa îşxalkere ro hem zî zûrê ci eşkera kerdî.

Herêma Şehîd Delîlî ya Rojawanê Zapî

26ê teşrîna peyêne de, Warê Xoverdayîşî yê Girê FMyî de 1 dron ame îmhakerdene.

26ê teşrîna peyêne de, Warê Xoverdayîşî yê Girê Cûdîyî de vera îşxalkeran mudaxele ame kerdene. Saete 16.00 de zî hetê hêzanê YJA-Starî ra 1 îşxalker ame cezakerdene.

26ê teşrîna peyêne de Warê Xoverdayîşî yê Girê Amedîyê de 2 îşxalkerî ameyî cezakerdene.

Herêma Xakurkê

27ê teşrîna peyêne de, Girê Şehîd Heqîyî de 1 mewzî ameye îmhakerdene û 3 îşxalkerî ameyî cezakerdene.

Herêma Metîna

26ê teşrîna peyêne de Warê Xoverdayîşî yê Girê Ortê de hêzanê ma yê YJA-Starî da îşxalkeran ro.

Hêrişê artêşa îşxalkere

26ê teşrîna peyêne de Warê Xoverdayîşî yê Girê Çarçelî yê Metîna pê dronê teqaberî dîya bombayan ver.

26ê teşrîna peyêne de Warê Xoverdayîşî yê Girê Biharî, warê Şêlazê, Golka, Dergelê yê Metîna dîyayî bombayan ver.

Herêmê Zap, Şehîd Delîlî, Metîna û Xakurkê dîyayî topan ver zî.''