Merkezê Îrtîbatî û Çapemenîye yê HPGyî derheqê Operasyonê Şorişgêrî yê Şehîde Leyla Amed de yo ke Herêmanê Pawitişî yê Medya ra Metîna de ame kerdene, zanayîş pare kerd.

Eşkerayîye de nê ameyî vatene: ''Gerîlayê Azadîye yê Kurdîstanî bi operasyonanê şorişgêran kewnê Serra 46. ya PKKyî. Gerîlayê ma rayraşîyayîşê destankî yê PKKyî de bi ruhê fedayîyî têkoşînî xurtêr kenê. Gerîlayê ma yê ke bi taktîkanê zengînan ver bi serkewtişî rayra şinê derbanê giranan danê îşxalkeran ro. Hêzanê ma Metîna de Operasyono şorişgêr ê Leyla Sorxwîn Amed kerd. Çalakîye de 18 îşxlakerî ameyî cezakerdene û xeylêk çeke û melzemeyo leşkerî ame destsernayene. Artêşa tirke ya ke hûmara merdayanê xo nimnena, têna îtîraf kerd ke 3 leşkerê înan merdî. La hêzê ma bi xo şîyî 12 cenazayanê îşxalkeran ser û safî kerd ke 18 îşxalkerî ameyî cezakerdene.''

Eşkerayîye de derheqê detayanê çalakîyan de nê ameyî parekerdene:

''Herêma Metîna;

25ê teşrîna peyêne de Warê Xoverdayîşî yê Girê Çarçelî de bi çekanê ferdîyan helîkopteran rê mudaxale ame kerdene.

26ê teşrîna peyêen de Warê Xoverdayîşî yê Girê Çarçelî de vera îşxalkeran Operasyono Şorişgêr ê Şehîdê Leyla Sorxwîn Amed ame kerdene. Operasyono şorişgêr 5 hetan ra ame kerdene. Îşxalkerî bi bombayanê destî û çekanê ferdîyan ameyî pirodayene. Hêzê ma tîya şîyî cenazayanê 12 îşxalkeran ser. Îşxalkerê ke semedê takvîye ameyî ê zî hetê hêzanê ma ra ginayî xapî ro û ameyî pirodayene. Tîya zî 6 îşxlakerî ameyî cezakerdene. Bi temamî 18 îşxalkerî ameyî cezakerdene. Reyna îşxalkeran ser o xeylêk çeke û malzemeyo leşkerî ame destfînayene.

Operasyono Şorişgêr ê Şehîde Leyla Sorxwin Amed semedê yadkerdişê serkêşanê fedayîyan Baran Çirav, Binevş Vejîn û Amed Avesta yê Operasyonê Şorişgêrî yê Girê Hakarî yê Metîna yê 26ê teşrîna peyêne ya 2022yî ame kerdene.

Herêma Zapî;

25ê teşrîna peyêne de Warê Xoverdayîşî yê Girê Cûdîyî de îşxalkerî bi çekanê giranan û taktîkê suîkastî di rey ameyî pirodayene, îşxalkerêk ame cezakerdene.

24 û 25ê teşrîna peyêne de Warê Xoverdayîşî yê Girê Amediyê de îşxalkerî heta saetanê şanî panc rey ameyî pirodayene. Çalakîyan de îşxalkerêk ame cezakerdene û di mewzîyî ameyî derbkerdene. Di çalakîyî hetê hêzanê ma yê YJA Starî ra ameyî kerdene.

Çekê qedexeyî;

24 û 25ê teşrîna peyêne de mewzîyê şerî yê Warê Xoverdayîşî yê Girê Çarçelî di rey bi droneyanê bombabarkerdeyan û qazanê kîmyewîyan û mewzîyê şerî yê Warê Xoverdayîşî yê Sîda bi teqaberanê qedexeyan  dîyayî bombayan ver.

Bombarduman;

24, 25 û 26ê teşrîna peyêne de warê Gundê Bilindbazê, Gundê Bêbadê, Gundê Mîranê yê herêma Garê, Warê Xoverdayîşî yê Girê Baharî yê Zapî, warê Aval Lolanê, Goşinê yê Xakurkê bi teyarayanê şerî dîyayî bombayan ver.  Reyna herêmê Zap, Metîna û Xakurkê bi topan dîyayî bombayan ver.''