HPGyî vat, Artêşa tirke ya ke gerîlayan ra derba girde girewte û bi desan leşkerê ci merdî, seba ke binkewtişê xo hûmara leşkeranê merdeyan binimno, îdîa kena ke bombardumanan de yê ke erd û hewayî ra kena, gerîlayî şehîd bîyî. Artêşa tirke bi nê bombardumananê xo yê ke bêmabên vera Herêmanê Pawitişî yê Medya kena mojnena ke senî bêçare ya. Wa şarê ma yo welatperwer û rayapêroyî bizano ke nê bombardumanan de vînîbîyayeyê ma çîn ê. Gerîlayê Azadîye yê Kurdîstanî ke rixmê heme teknîkê ci şinê artêşa îşxalkere ser û derbe danê piro, eynî wextî vera hêrişan zî tedbîranê xopawitişî genê. Coka wa qet çew zî zûranê artêşa îşxalkere û medyaya şerê taybete ya mexapîyo.

Eşkerayîya Merkezê Îrtîbatî û Çapemenîye yê HPGyî de ca dîya nê detayan:

''Herêma Zapî;

18ê teşrîna peyêne de Warê Xoverdayîşî yê Girê Cûdîyî de serê sibayî ra heta şanî îşxalkerî heşt rey bi çekanê giranan ameyî pirodayene. Çalakîyan de hîrê mewzîyî ameyî derbkerdene. Nê çalakîyan ra hîrê hebî hetê hêzanê ma yê YJA Starî ra ameyî kerdene.

 22 û 23ê teşrîna peyêne de Warê Xoverdayîşî yê Girê Cûdîyî de îşxalkerî di rey pê çekanê giranan û taktîkê suîkastî ameyî pirodayene. Çalakîyan de îşxalkerêk ame cezakerdene û 2 mewzîyî ameyî derbkerdene.

18 û 23ê teşrîna peyêne de Warê Xoverdayîşî yê Girê Amediyê de bi çalakîya suîkastî kamerayêka mobese ameye îmhakerdene û  çalakîya bi çekanê giranan de mewzîyêke ameye derbkerdene.

Herêma Metîna;

24ê teşrîna peyêne de Warê Xoverdayîşî yê Girê Ortê de îşxalkeran ke waşt mewzîyanê şerî bi çekanê kîmyewîyan bidê bombayan ver, înan rê bi bombayanê destî û çekanê ferdîyan mudaxale ame kerdene.

Çekê qedexeyî;

Artêşa tirke ya îşxalkere 18, 22, 23 û 24ê teşrîna peyêne de mewzîyê şerî yê Warê Xoverdayîşî yê Girê Ortê yê Metîna, Warê Xoverdayîşî yê Girê Cûdî û Girê Amediyê yê Zapî û Warê Xoverdayîşî yê Sîda pê droneyanê teqaber barkerdeyan ,gazan û teqaberanê qedexeyan dayî bombayan ver.

Bombarduman;

21, 22, 23 û 24ê teşrîna peyêne de Warê Xoverdayîşî yê Girê Bahar û Girê Amediyê yê Zapî,warê Sinînê, Ava Lolanê, Şehîd Şerîfî yê Xakurkê, warê Sîyanê, Girê Zengil, Deşta Kafya yê Garê, warê Girê Şehîd Rustem û Şehîd Harunî yê Qendîlî 16 rey bi teyarayanê şerî dîyayî bombayan ver. Reyna herême Zap, Metîna û  Xakurkê dîyayî topan ver.''