Merkezê Îrtîbatî û Çapemenîye yê HPGyî derheqê hêrişanê îşxalî yê vera Garê û xoverdayîşê gerîlayan de eşkerayîyêke kerde.

Eşkerayîye wina ya:

''Xoverdayîşê gerîlayan ê vera hêrişanê îşxalî yê Garê de 13 û 14ê sibate de nê çîyî qewimîyayî;

13ê sibate 06.30 de warê Meyrokê yê mintiqaya sînorî ya Pirdê Çeqerî, 09.30 ra heta 10.30 warê Sîyanê, 15.40 ra heta 22.45 warê Bergarê dîyayî bombayan ver.

13ê sibate de 16.40 de dekewtişê kampa esîran ê warê Sîyanê de vengê guleyî eşnawîyayî û nê vengan ra dima no ca dîya bombayan ver.  Saete 18.00 de mintiqaya Warê Mîyanênî û reyna saete 18.30 de warê Sîyanê 6 reyî dîyayî bombayan ver.

13ê sibate de 22.00 de wexto ke 3 helîkopter, dima 4 helîkopter û tewr dima zî 2 helîkoteran xîret kerdêne ke debikewê Garê hêzanê ma da înan ro. Netîce de helîkopterêkê kobra derbî girewtî û helîkopterê bînî zî herême ra remayî.

13ê sibate de 23.30 ra heta 14ê sibate saete 01.00 dewa Şikefta 5 reyî dîyaye bombayan ver.

14ê sibate de 00.45 ra heta saete 01.45 Girê Şehîd Berxwedanî 6 reyî dîya bombayan ver, saete 01.00 ra heta 06.20 Girê Şehîd Baranî 6 reyî dîya bombayan ver.

Seke ame tesbîtkerdene herêma Garê 46 reyî dîyaye bombayan ver.

Hêzanê Pawitişê Hewayî yê Şehîde Delale ra 2 çalakîyî

13ê sibate saete 15.30 de Hêzanê ma yê Pawitişê Hewayî yê Şehîde Delale vera îşxalkeranê warê Sîyanê 2 çalakîyê cîyayî kerdî. Nê çalakîyan de hedefî bi hawayêkê serkewteyî ameyî pirodayene.

Xîretê îşxalî yê vera Garê yê artêşa tirke ya îşxalkere hetê xoverdayîşê bitesîrî yê hêzanê ma ra bênetîce qedîyayî. Hêzanê ke qaşo yewînê tewr holî yê artêşa tirke yê, derbê pîlî werdî û artêşa îşxalkere tarûmar bîye. Artêşa tirka ke tarûmar bîya pê destanê xo hemwelatîyê xo kiştî û neçare menda ke Garê ra xo apey bigêra.

Key detayê nê xoverayîşê 4 rojan bêrê zelalkerdene ma do agahîyan bidê rayaumûmîye.''

HPGyî eşkera kerd ke 13ê çeleyî e saete 21.15 de warê Qertalî ya Herêma Avaşînî dîyabî bombayan ver.