Merkezê Îrtîbatî û Çapemenîye yê HPGyî eşkera kerd ke gerîlayo bi nameyê Çîya Agirî (İsmail Por Mahmut) bi hemkarîya MÎT û Parastinî şehîd bîyo.

Eşkerayîye wina ya:

''5ê tebaxe de saetanê şewe de warê Banîkê yê Heftanînî de grûbêka embazanê ma semedê tay çî-mî ke ci rê lazim o mîlîsêkî de pêvînayîş kerdo. Pêvînayîşo kilm ameyo kerdene mîlîsî cayê pêvînayîşî ra şîyo. Cade dima ra di hetan na grûba gerîlayan rê hêriş ameyo kerdene.  Netîceya nê eştişan de guleyêkî îsabatê sereyê embazê ma Çîya Agirî kerdo û cayê qewimîyayîşî de şehîd bîyo. Embazê ma Dilgeş zî sereyê xo ra bi granî birîndar bîyo.

Nasnameyê embazê ma Çîya Agirî wina yo:

Nameyê Qodî: Çiya Agirî

Name û Peyname: İsmail Por Mahmut

Cayê Bîyayîşî: Maku

Maye-Pî: Kari – Mehmet

Tarîx û Cayê Şehadetî:  5ê Tebaxa 2023yî / Heftanîn

Na mesele nizdîyê asayîşê Banikê de qewimîyaya. Sey warê komployî bi zanayîşî cayo nidzîyê nuqtaya PDKyî ameyo vîjnayene. Tîya randevu dîyayo embazanê ma û dîyayî xapî ro. Di hetan ra raştê hêrişî ameyî.  No zî mojneno ke no koployo plankerde yo. Bi nê komployî yeno waştene ke hêrişî bierzîyo serê milê PDKyî û mabênê ma û înan de pêkewtiş bêro vetene. Bi nê waştişî qismêkê PDKyî zî bîyo tewrê komployî.

La Fermadarîya Merkezê ma ya Pawitişê Şarî hela verêne de tesbît kerd ke beno ke  no kayê dişmenî bo û herina cade eşkerakerdişî de verî mesele ser cigêrayîş kerd. Netîceya cigêrayîşanê ma  zelal bi nê provokasyonî ame waştene ke mabênê ma û PDKyî de pêkewtiş vejîyo û engiştê Parastinî zî tede ya.  Nê de berpirsîyarîya PDKyî est a. Înanê ke no suîkast kerd qey verê asayîşê PDKyî de randevu da  û hêriş kerd, ganî bêro eşkerakerdene. Zaf eşkera yo ke înan ke no plan kerd waşt wa mabênê rêxistinan de pêkewtiş bêro vetene. Qismêkê PDKyî pîya bi MÎTî kenê ke mabênê kurdan de şer vejê. No qisim xizmetê dewleta tirke de yo û çîyo ke destê ci ra yeno keno.''