Merkezê Îrtîbatî û Çapemenîye yê HPGyî derheqê operasyonê vera Heftanînî de eşkerayîyêke daye û nê pare kerdî:

Vera Heftanînî erdî ra hêrişê îşxalî ame destpêkerdene

''Artêşa tirke ke 23ê tebaxa 2019î de vera herêma Heftanînî ya Herêmanê Pawitşî yê Medya herektetê îşxalî da destpêkerdene 16ê hezîrane (vizêr) sey dewamê naye vera Heftanînî hêrişê îşxalî da despêkerdene. Îşxalkeran bi paştdayîşê helîkoteranê hêrişî û wesayîtanê hawayî Qilê Şehîd Sîpanî yê herêma Bektorya, Qilê Şehîde Bêrîtane û Tepê Dupişkî  yê warê Şehîd Kendalî de leşkerê xo ca kerdî û dest pê hêrişê îşxalî kerd.

Dewleta tirke do derba tarîxîye biwera

Dewleta îşxalkere bi konseptê îşxalî hesab kena ke cayanê stratejîkan ê Herêmanê Pawitişî yê Medya bifîno dest  û Başûrê Kurdîstanî rê hekîm bo. Nameyê operasyonî ke erdî ra yeno kedene çi beno wa bibo do cewabo tewr gird bêro dayene û dewleta tirke darbeya tarîxîye bîgêro. Derheqê hêrişê îşxalî de zanayîşêko bikewo destê ma do rayrapêroyî rê pare bikerê.

Garê û Metîna de hêrişê hewayî

Teyarayanê şerî yê tirkan 15ê hezîrane de warê Derarê yê Metîna û 17ê hezîrane de zî warê Deşta Kafya yê Garê bomarduman kerdî. Nê hêrişan de vînîbîyayê ma çîn ê.

Dêrsim de 6 gerîlayî şehîd bîyî

Artêşa tirke 30ê gulane de qezaya Pulurî ya Dêrsimî de dest operasyonêk kerd. Operasyono ke Dola Axanîsî de ame kedene heta 7ê hezîrane dewam kerd. Nê operasyonî de mabênê hêzanê leşkeranê dişmenî de pêkewtişî giranî ameyî ciwîyayene. Pêkewitşanê ke xeylêk leşkerê dişmenî ameyî kiştene de embazê Agir, Delîl, Rênas, Munzur, Gulane û Jîyanda ke 8 rojî vera dişmenî bi hawayêkê qehremankî şer kerd tewrê kerwanê şehîdan bîyî.''