Merkezê Îrtîbatî û Çapemenîye yê HPGyî bi eşkerayîyêka nuştekîye derheqê çalakîyanê gerîlayan û hêrişê artêşa tirke de zanayîş da û nê pare kerdî:

''Artêşa tirke ya îşxakerdene 31ê gulane de herêma Navsara Cûdî ya Koyê Cûdîyî de dest pê operasyonêk kerdbi. Hêzanê ma yê YJA Starî çarçeweya Hemleya Qesasî ya Şehîde Medya Mawa û Şehîd Rizgar Geverî ya ke saha de yena domnayene, 3ê hezîrane de  vera leşkeranê ke mintiqaya Derîyê Cevahîrî de ameyî cakerdene de çalakîyêke kerde. çalakîya ke yewîya dişmenî bitesîr ameye pirodayene de hûmara merde û birîndaran ê leşkeran safî nêbîye.

Teyarayanê artêşa tirke 4ê hezîrane de vera Herêmanê Pawitişî yê Medya hêrişê hewayî kerd. Warê Golka yê Metîna, warê Şikefta Birindara yê Zapî û warê Şabanike yê Heftanînî ser o bombayî ameyî varnayene. Nê hêrişan de vînîbîyayeyê ma çîn ê.''