Merkezê Îrtîbatî û Çapemenîye yê HPGyî derheqê çalakyanê gerîlayan û hêrişê artêşa tirke de eşkerayîye daye û nê pare kerdî:

Hemleya Şorişgêre ya Bazanê Zagrosî

''21ê temmuze de Warê Xoverdayîşî yê Girê Şehîd Şahanî yê Xakurkê de îşxalkerî bi çekanê giranan ameyî pirodayene. Eynî roje warê Şehîd Ardilî yê Zapî de droneyo çekdar hetê hêzanê ma ra dîya wardayene. Badê çalakîye cayo ke dron tede gina war pê teyarayan dîya bombayan ver. Warê Çemçoyî de zî îşxalkerî bi çekanê giranan ameyî pirodayene.

Hemleya Şorişgêre ya Şehîd Savaş Maraşî ya Cengê Xabûrî 

19 temmuze de Warê Xoverdayîşî yê Girê Amedîyê de mewzîyeke ameye derbkerdene  û roja bîne zî eynî warî de çalakîyanê cîya cîyayan îşxlakerî ameyî pirodayene. Çalakîyan de sîstemê di kamerayanê mobese ameyî îmhakerdene. 21ê temmuze de  Warê Xoverdayîşî yê Girê MFyî yê Metîna de droneyo çekdar dîya wardayene. 22ê temmuze de qereqolê Kanî Masî yê artêşa tirke yo ke Metîna de yo hetê hêzanê ma ra di hetan ra ame pirodayene. Çalakîye de 2 îşxalkerî ameyî cezakerdene û mewzîyêke ameye îmhakerdene.

Bombarduman

Artêşa tirke ya îşxalere 21ê temmuze de Warê Xoverdayîşî yê Girê Amedîyê, Şikefta Birîndara pê çekanê kîmyewîyan, teqaber  û bombayanê fosforî fayî bombayan ver. Reyna warê Girê Bihar, Sîda, Saca, Çemço,  Girê FM, Şikefta Birîndara pê teyara, helîkopter, obus û çekanê giranan dîyayî bombayan ver.''