Merkezê Îrtîbatî û Çapemenîye yê HPGyî derheqê teqayîşê Sîdekanî de eşkerayîye daye û nê vatî:

''12ê adare de saetanê şanî de herêma Sîdekanî de teqayîşêk qewimîya. Nê teqayîşî de pêşmergeyanê PDKyî ra yewî cuya xo vînî kerde û yew zî birîndar bi. Nê teqayîşî ra têgêrayîşê sey berpirsîyar ame tepiştene û  tay xeberê sûcdarkerdişî yê vera ma ameyî kerdene.

No qewimîyayîşo tal  qirrika Sîdekanî yê pabesteyê herêma Sîdekanî ya Xakurkê de bi. Cayo ke qala ci yena kerdene  wextê Sedamî tîya xeylêk mayînî ameyî cakerdene. Reyna  2019 û 2020 de wexto ke artêşa tirke ya îşxalkere hêrişê herêma Xakurkê kerd vera înan zî tîya mayînî ameyî cakerdene. Hêzanê ma hem şarê herême hem zî berpirsîyarê PDKyî yê herême  nayî xaberdar kerdî ke tîya cayo leşkerî yo û tede mayînî estê. Hêzanê ma verî hîşyarî ke hewce kenê kerdbî. La rixmê nayî 12ê adare de hêzê PDKyî kewtî herêma ke tede mayî estê û netîceya nayî de  teqayîş qewimîya.

Eleqeyê hêzanê pê nê teqayîşî çîn o. Hêzê ma nayî ra berpirsîyar nîyê.''