HPG: Embaza ma Jîyane Welat şehîd bîye
HPGyî gerîlaya YJA-Starî Jîyane Welata (Jîyane Şahîn) ke Herêmanê Pawitişî yê Medya de netîceya qezayêkî de şehîd bîya yad kerde û vat: ''Ma soz danê ke layîqê vîrameyîş û cuya şehîda xo bibê.''
Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:
''Ewlada Amedî ya ercîyaye, milîtana PKK-PAJKî ya qehremane û şerwana YJA-Starî ya çêre Jîyane Welat 8ê teşrîna peyêne ya 2013yî de serê erkê xo de netîceya qezayêkî de şehîd bîye. Embaza ma Jîyane Welat cuya xo ya gerîlatîye de bi Zîlanwarî têkoşîn kerd. Ma serrgêra şehadetê ci de embaza xo bi rêzî yad kenê.
Sere de keyeyê aye yê ercîyayeyî rê ma şarê Kurdîstanî yê welatperwerî rê serweşîye wazenê. Ma soz danê ke layîqê vîrameyîş û cuya şehîda xo bibê.
Nasnameyê embaza ma Jîyane wina yo:
|
|
Nameyê Qodî: Jîyane Welat Name û Peyname: Jîyane Şahîn Cayê Bîyayîşî: Amed Maye-Pî: Remzîye – Ahmet Tarîx û Cayê Şehadetî: 8ê Teşrîna Peyêne ya 2013î / Herêmê Pawitişî yê Medya |
Embaza ma Jîyane qezaya Farqînî ya Amedî de dadîya xo ra bena. Embaza ma Jîyane 2009 de dibistane war verdena û Amedî ra tewra gerîlayan bena. A wextêk Amed de gerîlatîye kena û uca ra şina Herêmanê Pawitişî yê Medya.
Embaza ma Jîyane Herêmanê Pawitişî yê Medya de perwerde zî vînena û bi coşî tewra xebatan bena. Embaze Jîyane tim xîret kena ke biba milîtanêka Apogîre û xeta Zîlane de şer bikera. Embaze Jîyane nê armancê xo ser o pêro erk û mesuldarîyanê xo bêkêmasî ana ca. Embaze Jîyane bi kesayetê xo zî pêro embazanê ma rê bena nimûne. Embaza ma Jîyane heyf ke netîceya qezayêkê bêtalîhî de şehîd bena.''
