Merkezê Îrtîbatî û Çapemenîye yê HPGyî bi eşkerayîyêke da zanayene ke gerîlayê înan Zinar Amed şehîd bîyo. Eşkerayîye wina ya:

''27ê teşrîna peyêne ya 2018î de Milazgîrê Mûşî de embazê ma Zinar pêkewtişanê vera dişmenî de bi giranî birîndar bi û seba ke nêkewo destê dişmenî ver bi şehadetî şi. Embazê ma Zinarî zanayêne ke teslîmîyet îxanet o û qetî qebul nêkerd ke teslîmê artêşa tirke ya îşxalkere bibo. O xeta fedayîtîye de mende. Embazê ma Zinar sey fermandarêkê serkêşî yê Şerê Şarî yê Şorişgêrî tarîxê têkoşînê ma de cayê xo girewt.

Ma sere de keyeyê ey ê ercîyayeyî rê pêro şarê welatperwerî yê Kurdîstanî rê serweşîye wazenê. 

Nasnameyê embaz Zinarî wina yo:

Embazê ma Zinar Amed de dadîya xo ra beno. Embazê ma Zinar domanîya xo de tedaya dewleta tirke şinasneno. Embazê ma Zinar ciwanîya xo de bi hawayêkê aktîfî tewrê xebatan beno. 2007 de o tepişîyeno û dima ke zîndanî ra vejîyeno 2008 de Amedî ra tewrê gerîlayan beno. 

Embaz Zinar wextêkî ra pey derbazê Herêmanê Pawitişî yê Medya beno. Embaz Zinar tîya de beno wayîrê pratîkêkê xurtî û tim xo aver beno. Embaz Zinar 2015 de waştişê xo ser o derbazê Vakurê Kurdîstanî beno û Erzirom de sey fermandarî erk keno. Embazê ma Zinar tîya de bi xurtî têkoşîn keno û derbanê giranan dano dişmenî ro. O heta şehadetê xo têkoşînî ra fek vera nêdano. Embazê ma Zinarî bi pratîkê xo embazanê xo rê mojna ke o milîtan û fermandarêko serkêş bi. Ey heta nefesê xo yê peyênî xeta Zîlane ya fedayîye kerde esas.''