Merkezê Îrtîbatî û Çapemenîye yê HPGyî pê eşkerayîyêke da zanayene ke Endamê Fermandarîya Eyaletê Amedî Agît Şevger şehîd bi. Eşkerayîye wina ya:

''18ê gulana 2021î de dormeyê dewa Banê Dêran a qezaya Licê ya Amedî de artêşa tirke ya îşxalkere operasyonêk dabi destpêkerdene. Nê operasyonî de pêkewtişê giranî û bombardumanê giranî qewimîyayî û Endamê Fermandarîya Eyaletê Amedî Agît Şevger û embaz Armanc Cûdî şehîd bîyî. Dima ke nasnameyê ci bêro zelalkerdene derheqê embaz Armanc Cûdîyî de zanayîşî do bêrê parekerdene. Nasnameyê embaz Agîtî wina yo:

Nameyê Qodî: Agît Şevger Name û Peyname: Aydin Şîmşek Cayê Bîyayîşî: Amed Maye-Pî: Husna – Nurî Tarîx û Cayê Şehadetî: 18ê Gulana 2021î / Amed

Embaz Agît qezaya Bismîlî ya Amedî de dadîya xo ra bi û wextê serewedaritişanê şarê ma û komelbîyayîşê Têgêrayîşê Azadîye yê Kurdîstanî de ey partîya ma şinasnaye. Embaz Agîtî o çax bi hawayêkê aktîfî karê ciwanîye kerd û ciwanan de hîşmendîya neteweyîye peyda kerde.

Embaz Agît 1998 de Komployê Mîyanneteweyî de seba ke wayîrê Rayberîye vejîyo tewrê gerîlayan bi. A roje ra dima zî embaz Agîtî tim xo aver berd, mesuldarî û wezîfeyê xo ardî ca û bi nê hawayî zî bi fermandarêko rayber û marîfetîn.

Embaz Agîtî verî Amed de bi serran gerîatîye kerde, rayberîya xeylêk çalakîyan kerde û Amed de sîstenê dişmenî yê kolonyalîzmî serûbin kerd. Embaz Agît dima 2009 de derbazê Herêmanê PAwitişî yê Medya bi, perwerdeyê îdeolojîkî û leşkerîyî girewtî, xo zêdêr aver berd û pê kesayetê xo embazanê xo rê bi mîsal. Embaz Agîtî dima pê israrî waşt abigêro Amed û no waştişê ci ame pratîkkerdene. Embaz Agît sey Endamê Fermandarîya Eyaletê Amedî agêra warê domanîye, ciwanîye û gerîlatîya xo. Embaz Agîtî pê na hîşmendîye kerd ke verê polîtîkayanê qirkerdişan bigêro.

Embaz Agît pê zerrînizmî, durîstî û samîmîyetê xo, pê fedakarî û kedkarîya xo bi mazharê heskerdişê embazanê xo. Ey sey milîtanê mîsalî yê Apogîrî û fermandarêkê çêrî mîyanê şorişgêranê sembolan ê Amedî de cayê xo girewt. Tewir, çêrî, embazîye û fermandarîya embaz Agîtî do her tim hetê embazanê ci ra sey mîsal bêrê girewtene û o do bibo sozê ma yê seba serkewtişî. Şarê Amedî û ciwanê Amedî do bibê teqîbkerdoxê Agîtan, çeka ey erdî de nêverdê û rayraşîyayîşê azadîye yê Agîtan do bireso serkewtiş.

Ma  keyeyê Şîmşekî yê ercîyayeyî rê serweşîye wazenê ke têkoşînê azadîye yê şarê ma rê ewladêko wina çêr da. Ma şarê welatperwerî yê Amedî û Kurdîstanî rê zî serweşîye wazenê.''