HPG: Fermandar Orhan Cîhat Bîngol şehîd bi
HPG: Embazê ma Fermandar Orhanî 33 serran bêmabên têkoşînê azadîye kerd û o 6ê hezîrana 2024î de hêrişê dişmenî de şehîd bi.
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî bi eşkerayîyêke da zanayene ke Fermandar Orhan Cîhat Bîngol şehîd bîyo.
Eşkerayîye wina ya:
''Ewladê şarê ma yo ercîyaye û qehreman, milîtanê partîya ma PKKyî, fermandarê xeta Apogîre yo cesur û Endamê Konseya Fermandarîye ya HPGyî Orhan Cîhat Bîngol 6ê hezîrana 2024î de hêrişê dişmenî de, Herêmanê Pawitişî yê Medya de şehîd bi.
Embazê ma Fermandar Orhanî 33 serran bêmabên têkoşînê azadîye kerd û o 6ê hezîrana 2024î de hêrişê dişmenî de şehîd bi. Ma sere de keyeyê ci yê ercîyayeyî rê, şarê ma yê Çewlîgî rê û pêro şarê Kurdîstanî yê welatperwerî rê serweşîye wazenê.
Nasnameyê embazê ma Orhan Cîhat Bîngolî wina yo:
|
|
Nameyê Qodî: Orhan Cîhat Bîngol Name û Peyname: Alî Dînçer Cayê Bîyayîşî: Çewlîg Maye-Pî: Kîbare–Kekê Tarîx û Cayê Şehadetî: 6ê Hezîrana 2024î / Herêmê Pawitişî yê Medya |
Embazê ma Orhan serra 1960î de qezaya Xorxolî ya Çewlîgî de, dewa Hopî de dadîya xo ra beno. Na qeza mabênê Çewlîg û Dêrsimî de ya. Embazê ma Orhan sey ewladêkê elewîyan na dewe de bi goşdarîkerdişê xoverdayîşanê Seyîd Riza, Besê, Alîşêr, Zarîfayan beno pîl.
Embaz Orhan wextê zanîngehî de tewrê xebatanê şorişgêran beno. O serranê 90an de PKKyî hîna nêzdî ra şinasneno û beno Apogîr. Cigêrayîşan ra pey embaz Orhano ke zewijnaye, babî û wendekarê zanîngehî bibi 1992 de Çewlîgî ra tewrê gerîlayan beno.
O rêçê Mehmet Hayrî Durmuş û Mehmet Karasunguran ra şino. Embaz Orhan Behdînan de mîyanê refanê Artêşa Rizgariya Gelê Kurdistan (ARGK) de perwerde vîneno.
1992, 1993, 1994 û 1995 de dewlete bi barbarî hêrişê şarê ma kerdêne, dewî vêşnayene û şarê ma qetil kerdêne. Embaz Orhan o çax mîyanê ARGKyî de têkoşînêko xurt keno. Embazê ma Orhan 18ê gulana 1995î de Rayber Apoyî vîneno û tira perwerde gêno. O bi nê perwerdeyî xo aver beno û perwerîya xo ya bi partîye zixmêr keno.
O sey fermandarêkî 1996 de Erzirom de erk keno. O serranê 2000an de derbazê Herêmanê Pawitişî yê Medya beno. O tewrê perwerdeyê Ocaxê PKKyî beno, Herêmanê Pawitişî yê Medya de sere de endamê Komîteya Pawitişê Meşrûyî xeylêk erkan keno.
Embazê ma Orhan bi cuya xo ya derwîşane qetî coş û xîretê xo ra fek vera nêdano. O tim keno ke azadîya Rayber Apoyî bîyaro ca. O tim erk û mesuldarîyanê xo bêkêmasî ano ca. Ma soz danê ke ala ey a têkoşînî berz bikerê, xeyalanê ey bîyarê ca û azadîya Rayber Apoyî bîyarê ca.''
