Merkezê Îrtîbatî û Çapemenîye yê HPGyî bi eşkerayîyêke nasnameyê şehîdêkî pare kerd.

Eşkerayîye wina ya:

''27ê gulana 2020î de herêma Nordizî ya qezaya Payîzava ya Wanî de pêkewtişê giranî qewimîyayê û netîceya bombardumanê vera herême de fermandarê ma yo ercîyaye Reşîd Serdar şehîd bi.

Ma serrgêra şehadetê ci de embazê ma û milîtano Apogîr Reşîd Serdarî bi rêz û minetî yad kenê. Ma soz danê ke vîrameyîşê ey bidê ciwîyayene. Ma sere de kênaya embaz Reşîdî Semîra rê û keyeyê ey rê pêro şarê Kurdîstanî yê welatperwerî rê serweşîye wazenê.

Nasnameyê embazê ma yê şehîdî wina yo:

Embazê ma Reşîd Serdar herêma Nordizî de dadîya xo ra beno. Embaz Reşîd wextêk metropolan de maneno, tîya de ancî rîyê dişmenî vîneno û agêreno welatî. O wextêk xebatanê milîsîye keno. Embaz Reşîd rixmo ke zewijnaye û babîyê yew domane bîyo seba pîlkerdişê têkoşînî verê xo dano koyan.

Embaz Reşîd xo rê têkoşînê Fermandarê Pîlî yê Şehîdî Reşîd Serdarî keno nimûne. Embaz Reşîd wextê xoverdayîşê xoîdarekerdişî de Wan de karanê rêxistinîye keno û beno wayîrê kedêka pîle. O tîya ra derbazê Herêmanê Pawitişî yê Medya beno.

Embaz Reşîd seba erkê fermandarîye ancî verê xo dano Vakurê Kurdîstanî û herêma Nordizî de mesuldarîyanê girîngan gêno xo ser. Embaz Reşîd herême de vera dişmenî çalakîyanê serkewteyan keno û pêro embazanê ma rê beno fermandarêko nimûne.

O heta şehadetê xo bi fedakarî têkoşîn keno. Ma soz danê ke xeyalê ey ê Rayberîya Azade û Kurdîstanê Azadî bîyarê ca.''