Merkezê Îrtîbatî û Çapemenîye yê HPGyî bi eşkerayîyêka nuştekîye da zanayene ke Fermandar Ulaş Dêrsim (Ulaş Dogan) şehîd bîyo û nê pare kerdî:

''Ewladanê şarê qehremanî yê Kurdîstanî û Dêrsimî ke sere ronênano  ra hemrayê ma fermandar Ulaş Dêrsim 9ê hezîrana 2021î de netêceya bombardumanê artêşa tirke ya faşîste de tewrê kerwanê şehîdan bi.

Nasnameyê embazê ma yê şehîdî wina yo:

Nameyê Qodî: Ulaş Dêrsim Name û Peyname: Ulaş Dogan Cayê Bîyayîşî: Dêrsim Maye-Pî: Hekîme - Eşref Tarîx û Cayê Şehadetî: 9ê Hezîrana 2021î/ Herêmê Pawitiş yê Medya

Ma sey Gerîlayanê Azadîye yê Kurdîstanî sere de keyeyê erjayeyî yê hemrayê ma Ulaş Dêrsimî, şarê Dêrsimî û şarê Kurdîstanî rê serweşîye wazenê. Ma şexsê hemra Ulaş Dêrsimî de do xeta şehîdan de xoverdayîşî pîl bikerê û dişmenî ra hesab bipersê.

Mabanê serranê 1997-2002î de koyanê Dêrsimî de têkoşîn kerd û tecrubeyo pîl kerd pêser. Sey fermandarê serkewteyî yê Vakurî 2002 de verê xo Herêmanê Pawitişî yê Medya. Bado ke waranê Xinerê, Qendîl, Zap û Zagrosî de mend 2006 de reyna agêra Dêrsimî û xeylêk waranê koyanê Dêrsimî de falîyet rayra berd û sey endamê fermandarîya eyaletî yê Dêrsimî wezîfe kerd. 2014 reyna verê xo Herêmanê Pawitişî yê Medya. Bado ke perwerde dî newe ra sey endamê fermandarîya eyaletî wezîfe girewt û heta şehadetê xo no wezîfe bi serekwtişî ard ca. 9ê hezîrane 2021î de gama ke serê karê xo de bi hêrişê hewayî de şehîd kewt.Hemrayê ma Ulaş Dêrsim 1978 de keyeyêko kedkar ê Dêrsimî de ameyo dinya û bi dejê terteleyê Dêrsimî û hîkayeyanê xoverdayoxanê ke vera zilmî milê çewt nêkerd bîyo pîl. Hemrayê ma Ulaş Dêrsimî ke zulmê dewleta tirke yê vera elewîyan û bitaybetî zî vera şarê Dêrsimî çirey xo vîr a nêkerd 1997 gama ke unîversîte de muhendîsîye wendêne  verê xo sefanê PKKyî.

Hemrayê ma Ulaş Dêrsim Têkoşînê xo yê 24 serran ê bêmabênî de şerwanîye ra heta fermandarîye xeylêk wezîfeyê cîya cîyayî girewtî xo ser û her warî de bi hewayêkê fedakarî tewrê pratîkî bîyo. Hemrayê ma Ulaş bi cuye, têkoşîn û pratîkê xo tarîxê têkoşînê ma de sey fermandarêkê bêmergî cayê xo girewt. Sere de şarê Dêrimî, şarê kurdî û ma hemrayê ci do tim sey nimûne bîgêrê û beyraqa têkoşînî biresnê serkewtişî. Waştişê hemrayê ma Ulaşî yê cuya azade ke semedê şarê kurdî û şaranê bindestan waştêne do bêro caardene.''