Merkezê Îrtîbatî û Çapemenîye yê HPGyî da zanayene ke Fermandar Samet Îçyer (Zerdeşt Navdar) 14ê hezîrane de Garzan de şehîd bi. Eşkerayîya HPGyî wina ya:

''12ê hezîrane de warê Şehîde Mizgîne yê Garzanî de artêşa tirke ya îşxalkere operasyonêk dabi destpêkerdene û nê operasyonî heta 15ê hezîrane dewam kerd. Nê operasyonî de embazê ma, ewlado ercîyaye yê şarê ma, fermandaro çêr Zerdeşt Navdar 14ê hezîrane de şehîd bi. Nasnameyê ey wina yo:

Nameyê Qodî: Zerdeşt Navdar Name û Peyname: Samet Îçyer Cayê Bîyayîşî: Adilcewaz Maye-Pî: Nazê – Bekîr Tarîx û Cayê Şehadetî: 14ê Hezîrana 2021î / Garzan

Embazê ma Zerdeşt qezaya Edikcewazî ya Bedlîsî de dadîya xo ra bi. Semedo ke dormeyê ci bedel dayo, tewrê têkoşînê azadîye bîyo û şehîdî dayê ey zî rew welatperwerîye şinasnaye. Têkoşînê gerîlayan û şehadetanê ke herêma ey de qewimîyayê tesîrê embaz Zerdeştî kerd û o nînan ser o kewt peyê cigêrayîşan.

Embaz Zerdeştî zanîngeh de têgêrayîşê Apogîran nêzdî ra şinasna û tewrê têgêrayîşê ciwanan bi. Embaz Zerdeşt xebata ciwanan de bi şahîdê zulm û tedaya dewlete, ame tepiştene û dî ke sîstemê dewleta tirke de kurdan rê cayêk çin o. Embaz Zerdeşt nê esasî ser o 2011 de Eyaletê Amedî de tewrê gerîlayan bi.

Embaz Zerdeşt cade cuya gerîlayan musa û kesayetê xo de texrîbatê modernîteya kapîtalîste pakî kerdî. Embaz Zerdeştî îdeolojîya Apogîrî ser o şarê xo, kesayetê xo, raştîya xo nêzdî ra şinasnayî û bi milîtanêko serkewte yê Apogîran. Embaz Zerdeşt Vakurê Kurdîstan de bi wayîrê pratîkî, heqê pêro zehmetîyan ame û bi fermandarêko marîfetin.

Embaz Zerdeşt 2014 de Garzanî ra kewt rayîr û vera hemkarîya faşîzmê DAÎŞ û dewleta tirke Kobanê de têkoşîn kerd. O Kobanê de tewrê xeylêk çalakîyan bi, hêrişê DAÎŞî pûç kerdî, di reyî birîndar bîyî û heta Kobanê azad bi têkoşînê xo rê dewam kerd. Kobanê ra dima o derbazê Herêmanê Pawitişî yê Medya bi, perwerdeyê akademî girewt. Embaz Zerdeştî qerardarî û îdîaya xo aver berde, xebatanê Qerargehê Merkezî de ca girewt. Perwerdeyî ra dima ey sey endamê fermandarîya eyaletê Geverî wezîfe kerd.

O wayîrê tewirê Apogîrî bi, kerdişanê xo de eşkera bi, bawerîye dayêne pêro embazanê xo û ameyoxê ci zelal bi. Embaz Zerdeşt dima ke bi fermandarêko marîfetin verê xo da warê xo Garzan. Embaz Zerdeşt 14ê hezîrane de bombardumanê de şehîd bi. Rayraşîyayîşê embaz Zerdeştî tim sey nûmune do bêro girewtene. Xeyal û vîrameyîşê ey pê serfîrazîya Kurdîstanê Azadî-Rayberîya Azade do bêrê caardene.

Nê esasî ser o sere de keyeyê ercîyayeyî yê embazê ma yê çêrî rê ma pêro şarê Garzanî û şarê welatperwerî yê Kurdîstanî rê serweşîye wazenê.''