Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîye de nê ameyî parekerdene:

''Hêzanê ma 8ê gulane de Geverê Colemêrgî de vera artêşa tirke çalakîya sobotajî viraşte. Wesayîtêko bi tîpê Amarokî yo ke ver bi Qereqolê Zerînî yê Esendereyî şîyêne ame pirodayene. Wasayîto ke ser o adir ame varnayene bi temamî ama îmhakerdene, fermandarêkê qereqolî zî tede 4 leşkerî ameyî kiştene. Badê çalakîye artêşa tirke bi obus û hawanan herême bombardûman kerde. Yewîya ma ya ke çalakîye viraşte weş û war resaye cayê xo.

Hêzanê ma 6ê gulane de qezaya Qilebanî ya Şirnexî de vera îstasyonê bazî yo ke Qilê Şehîd Qehremanî yê mabenê dewanê Osyan û Akîrî de yo çalakîya sabotajî viraşte, îstasyon ame îmhakerdene.

Teyarayanê şerî yê dewleta tirke 10ê gulane (ewro)  warê Sîda yê Zapî  yê Herêmanê Pawitişî yê Medya bobmardûman kerde. Nê hêrişî de vînîbîyayeyê ma çîn ê.''