Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''15ê tebaxe de Girê Sîserî yê warê Geîlyê Pîsaxa yê herêma Heftanînî de îşxalkeranê ke waşt kontrolê rayîrî bikerê hetê hêzanê ma ra pê taktîkê sabotajî ameyî pirodayene. Na çalakîye de 2 îşxlakerî ameyî cezakerdene.

17ê tebaxe de tunelê şerî yê warê Girê Sorî yê Avaşînî ameyî bombardumankerdene û dima ra îşxalkeran waşt ver bi tunelan şirê. Hêzanê ma mesafeyo nêzdî ra da îşxalkeran ro, nayî ser o mecbur mendî ke peyser agêrê. Eynî roje vera tunalanê şerî yê warê Werxelê 2 rey gazê kîmyewîyî ame şuxulnayene.

17ê tebaxe de waranê Mervanos, Tabûrê Eraban yê herêma Avaşînî de têgêrayîşê helîkopteran qewimîya û warê Stûnê pê helîkopteranê hêrişî ame bombardumankerdene.

18ê tebaxe de artêşa tirke kutikî pê kamerayan şawitî tunelanê şerî yê warê Werxelê. Kutîkî ameyî bêtesîrkerdene. Warî ser o gêrayîşê droneyan dewam keno.

16ê tebaxe de warê Sîyanê yê herêma Garê û 17ê tebaxe de dormeyê dewa Çemrobotkî yê Duhokî pê teyarayanê şerî ameyî bombardumankerdene. Badê hêrişî erazî de şewat vejîya û hema dewam keno.

17ê tebaxe de warê Şehîd Şahan, Çemço û Gundê Rençbiraxa yê herêma Zapî hetê qereqolanê sînorî ra pê obusan ameyî bombardumankerdene. Eynî roje dewê Êdînê, Dêşîşê, Seraru yê Kanî Masî û warê Kela Qumrîye û Koordîne pê helîkopteranê hêrişî ameyî bombardumankerdene.''