Merkezê Îrtîbatî û Çapemenîye yê HGPyî derheqê çalakîyanê gerîlayan de eşkerayîyêka nuştekîye daye û nê pare kerdî:

''Çarçeweya Hemleya Şorişgêre ya Cengê Heftanînî de hêzanê ma 4ê tebaxe de vera leşkeranê ke Qilê Şehîd Adarî de ameybî cakerdene, çalakîya suîqestî kerde. Na çalakî de leşkerêk ame cazekerdene. Eynî roje de warê Xantûrî de îşxalkerî ameyî pirodayene. Çalakîya ke Qilê Şehîd Berxwedanî de ameye kerdene de stargeh û mewzîyê dişmenî di hetan ra ameyî pirodayene. Çalakî de 2 mewzî û çekêka girane ya 1 A4î ameyî îmhakerdene û pêro pîya 4 leşkerê dişmenî ameyî cazekerdene. Na çalakî semedê yadkerdişê sîvîlan ke 26ê temmuze de qirkerdişê Bamerne de ameyî mirênayene, ameye kerdene.

4ê tebaxe de Sêrt de vera îşxalkeran çalakîya sabotajî ameye kerdene.  Saetanê nêmroje de wesayîtêkê artêşa tirke yo ke Qereqolê Erboyî ra ver bi warê Hana Hevêlî şîyêne hetê hêzanê ma ra ame hedefgirewtene. Çalakî de wesayîtê dişmenî ame derbkerdene la derheqê merde û birîndaranê dişmenî de zanayîş nêame girewtene.''