Merkezê Îrtîbatî  û Çapemenîye yê HPGyî derheqê çalakîyan ê Heftanînî û Geverî û hêrişê artêşa tirke de bi eşkerayîyêka nuştekîye zanayîş da.

Eşkerayîye de nê ameyî parekerdene:

Heftanîn de çalakîyê sabotajî

''Çarçeweya Hemleya Şorişgêre ya Cengê Heftanînî de 17ê hezîrane de Qilê Şehîde Bêrîvane de çalakîya sabotajî ameye kerdene. 18ê hezîrane de zî Qilê Şehîd Adarî de vera yewîyanê operasyonî çalakîya sabotajî ameye kerdene. Nê çalakîyan de  hûmara merde û birîndaranê dişmenî nêameye zelalkerdene. 23ê hezîrane de warê Xantûrî ame bombardumankerdene. Netîceya hêrişî de herême de şewat vejîya. Hêzanê ma helîkoteranê ke herême ser o bombayî varnayêne  ê hedef giretewtî. Helîpterê ke binê adirî de mendî mecbur mendî ke agêrê.

Gever de 4 leşkerî ameyî kiştene

Çarçeweya Hemleya Şorişgêre ya Şehîd Bagerî û Şehîd Ronya de 22ê hezîrane de hêzanê ma Geverê Colemêrgî de de çalakîya sabotajî kerde. Çalakîya ke vera Qereqolê Memişta yo ke warê Gelîya Doskî de yo ameye kerdene de leşkerêk ame kiştene û 2 kontrayî zî birîndar bîyî. Îşxalkeran badê çalakîye herême de dest pê operasyonî kerd.

Çarçeweya hemleya şorişgere de 23ê hezîrane de reyna Gever de vera Qereqolê Perixanî çalakîya sereştişî ameye kerdene. Leşkerê ke herême de falîyetê damî kenê hetê hêzanê ma ra gerîyayî binê kontrolî û dima mewzîyanê xo de di hetan ra ameyî pirodayene. Na çalakîye de yewê ci bayeberz 3 leşkerî ameyî kiştene û yew zî birîndar bi. 

Medyaya îqtîdarî raştîyan niminena

Dişmeno ke vera çalakîya taktîkî ya gerîlayanê modernî yê dewrî de atisya mend, medyaya xo de sey çalakîya tacîze ramojna. Hêzê ma tîya kewtî mewzîyanê dişmenî û merkezê înan de da piro.

Hêrişê hewayî

23ê hezirane de teyarayanê artêşa tirke ya îşxalkere warê dewa Gire ya Avaşînî û warê Karkerî yê herêma Zapî bombarduman kerdî. Nê hêrişan de vînîbîyaye yê ma çîn ê.''