Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêka nuştekîye daye û nê pare kerdî:

Heftanîn

''Çarçeweya Hemleya Şorişgêre ya Heftanîn de 27ê temmuze de hêzanê ma warê Bektorya yê Qilê Katosulê de vera îşxalkeran çalakîyêke kerde. 28ê temmuze de zî hêzanê ma yê YJA Starî Qilê Dûpişkî vera îşlxalkeran di çalakîyê suîqestî kerde. Nê çalakîyanê  ke stargeh û  mewzîyê dişmenî bitesîr ameyî pirodayene de hûmara merde û birîndaran ê dişmenî nêameye tesbîtkerdene. Eynî roje saetanê cemê şanî de reyna hêzanê YJA Starî  vera îşxalkeranê ke Qilê Şehîde Şîlane de ameybî cakerdene çalakîya suîqestî kerde, 2 leşkerî ameyî cazekerdene. Reyna eynî roje Qilê Şehîd Berxwedanî yê Xantûrî de zî çalakîyêka suîqestî ameye kerdene, leşkerêk ame cezakerdene.

Xakurkê

Çarçeweya Hemleya Şorişgerê ya Şehîd Bagerî û Şehîde Ronya de 29ê temmuze de Qilê Lêlîkanî yê Xakurkê yê Herêmanê Pawitişî yê Medya de  mewzîyê dişmenî di paran ra ameyî pirodayene. Çalakî de 2 mewzî ameyî îmhakerdene û 5 leşkerî ameyî cezakerdene.

26ê temmuze de teyaranê şerî yê artêşa tirke Bamene ya Amedîye ya Duhokî de sivîlan ser o bombayî varnayî. Hêrişo ke di wesayîtê sivîlan sey hedef ameyî girewtene de sîvîlê bi nameyê Dilovan Şahîn û Ebdulah Ehmed şehîd bîyî. Nê sîvîlî zanaye ameyî mirênayene. Îşxalkerî şarê sivîlî yê Başûrê Kurdîstanî sey PKKyîjî ramojnena û mirênena. Hêzê îşxalkerî tim sîvîlan herra înan de mêrnenê. Bi desan qirkerdişî ameyî kerdene.  Dewleta tirke bi rayîrê medyaya taybet a şerî şarî xapînena û ke serê qirkerdişanê ci bêro girewtene. Ma keyeyanê wird hemletatijanê xo rê û heme şare welatperwerî yê Kurdîstanî rê serweşîye wazenê û soz danê ke am do gonîya înan erdî de meverdê.''