Merkezê Îrtîbatî û Çapemenîye yê HPGyî derheqê çalakîyan û pêkewtişanê Hemleya Cenga Heftanînî  ya vera operasyonê îşxalî de zanayîş da.

Eşkerayîya HPGyî wina ya:

''18ê hezîrane de Qilê Şehîd Adarî de îşxalkerî hedef ameyî girewtene. Leşkerê dişmenî ke bitesîr ameyî pirodayene, mecbur mendî ke peyser agêrê. Îşxalkeranê ke derbe werde saetanê şewe de Qilê Şehîd Adar û dormeyê cî bombarduman kerdî. Eynî roje hêzanêma vera leşkeranêke mabênê qilê Şehîd Adar û Şehîd Sîpanî de waştene aver şirê çalakîyê sabotajî kerdî. Reyna saetanê şanî de hêzanê ma Qilê Qesrokê de helîkoptero ke leşkerî kiriştêne hedef girewt. Helîkoptero ke serê ci de adir ame varnayene herême ra kewt dûrî. Bi hawayêkê hemwextî Dola Mazî de helîkopterêk ame pirodayene ke mecbûr mend ke agêro.

19ê hezîrane de hêzanê ma helîkoptero ke leşkerî kitiştêne Qilê Kartalî yê warê Bektorya, hedef girewt. Badê pirodayîşê bitesîrî helîkopter mecbûr mend ke agêro. Eynî roje hêzanê ma Qilê Şehîd Hamzayî yê warê Partîzanî de yewîyê dişmenî girewtî binê kontrolî û dima ra da piro. Na herême de pêkewtiş û bombardumanî hema dewam kenê.

Nê çalakîyan de tewr tay 20 leşkerî ameyî kiştene û xeylêk zî birîndar bîyî. Prosesê operasyonî de warê Tepê Dupişkî de embazê ma Agît û Mazlûmê ke heta guleyê xo yê peyênî xover da şehîd kewtî. Saetanê şanî yê vizêrî ra îşxalkerî warê Partîzan, Qesrokê, Xantur, Geliya Pîsaxa û Qilê Şehîd Canşerî bombarduman kenê. Ma do dedayanê neweyan rayapêroyî dir pare bikerê.

Çarçeweya Hemleya Şorişgêre ya Şehîd Bager Şehîd Ronya de hêzanê ma 18ê hezîrane de Çelê ya Colemêrgî de da dişmenî ro. Çalakîya ke vera Qereqolê Girê ame kerdene de mewzî û stargehê dişmenî bitesîr ameyî pirodayene. Saetanê şanî de reyna Qilê Koordîne de mewzîyê dişmenî ameyî pirodayene.  Hûmara merde û birîndaranê dişmenî nêameyî zelalkerdene.

Teyarayanê şerî yê dewleta tirke 18ê hezîrena de warê dewa Beşîrî ya Metîna û warê Kanî Sarkê yê Garê bombardûman kerdî. Nê hêrişan de vînîbîyayeyê ma çîn ê.''