Merkezê Îrtîbatî û çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî.

Xakurkê

''15ê tebaxe Girê Şehîd Hakî yê Xakurkê de droneyêk hetê hêzanê ma ra ame derbkerdene.

Avaşîn

16ê tebaxe de Warê Xoverdayîşî yê Werxelê de îşxalkeranê ke waşt pê xortuman gezê kîmyewîyî biwerzê mewzîyanê şerî hetê hêzanê ma ra ameyî pirodayene û xortimî ameyî îmhakerdene. Reyna îşxalkeranê ke waşt pê kepçeyan mewzîyan birijnê ê zî bi taktîkê sabotajî ameyî pirodayene.

Zap

16ê tebaxe de Warê Xoverdayîşî yê Karkerî de îşxalkeranê ke waşt pê çekanê kîmyewîyan hêriş bikerê hetê hêzanê ma ra pê çekanê kîmyewîyan ameyî pirodayene, îşxalkerî mecbûr mendê ke gamêke peyser agêrê. 17ê tebaxe Warê Xoverdayîşî yê Çemçoyî de hêzanê ma yê YJA Starî çalakîya sûîkastî kerde. Na çalkîye de îşxalkerêk ame cezakerdene.

Metîna

16ê tebaxe de Warê Xoverdayîşî yê Girê Cûdîyî de îşxakerê ke ameyî pirodayene mecbûr mendê ke gamêke peyser agêrê. Warê Xoverdayîşî yê Girê Amedîyê de hîrê droneyî hetê hêzanê ma ra ameyî îmhakerdene û helîkopterêkê hêrişî ame derbkerdene. Eynî roje baregehê leşkerî yê Bamernê yê artêşa tirke yo ke Metîna de yo hetê hêzanê ma ra ame pirodayene. Kepçeyê ke xabetê mewzîyan kerêne û ame pirodayene. Kepçe ame îmhakerdene û 2 îşxalkerî ameyî cezakerdene.

Bombarduman

Artêşa tirke ya îşxalkere 16ê  tebaxe de mewzîyê şerî yê Warê Xoverdayîşî yê  Karker, Werxelê, Şikefta Birîndara û Girê FMyî pê bombayanê nukleer taktîkî, gazanê kîmyewîyan dayî bombayan ver. Warê Xoverdayîşî yê Saca, Girê Cûdî, Girê Hakarî,Girê Amedîyê pê teyara, helîkopter û obusan dîyayî bombayan ver.''