Merkezê Îrtîbatî Çapemenîye yê HPGyî nasnameyê gerîlayêkî eşkera kerd ke Metîna de şehîd bîyo.
Eşkerayîye de nê ameyî vatene:

“Hemrayê Kerîm Amedo ke herêma Metîna de serkêşîya çalakîyanê serkewteyan ê vera artêşa tirke kerd,  bi cesaret û qehremanîya xo yeno zanayene 11ê tebaxa 2023yî de hêrişê dişmenî de şehîd bi. Ma ke sere de keyeyê ewlado qehreman ê Amedî û mîlîtano Apoyî yo serkêş hemrayê xo Kerîmî rê û heme şarê welatperwerî yê Kurdîstanî rê serweşîye wazenê û soz danê ke ma do waştişanê ey û heme şehîdan  bîyarê ca.

Nasnameyê hemerayê ma Kerîm Amedî wina yo:

Hemrayê ma Kerîmo ke Amed de yeno dinya û bi kulturê welatperwerîye beno pîl, 2014 de verê xo dano koyanê Kurdîstanî û tewrê refanê gerîlayan beno. Heftanîn de dest pê gerîlatîye keno û tîya 4 serrî têkoşîn keno. 2017 de rixmo ke birîndar beno, peyser game nêerzeno û zafêr tekoşîn keno. Dima ra perwerdeyê biranşî geno û wextêk waran û karanê cîyayan de ca geno. 2021 de reyna verê xo dano Metîna. Xoverdayîşê Girê Ortê de serkêşîye keno û xeylêk çalakîyanê serkewteyan de ca geno. 

Hemrayê ma Kerîmî  beyraqa ke hemrayanê xo yê şehîdan ra girewte heta peynî bi serkewtişî kirişt û tewrê kerwanê bêmergan bi. ”