Merkezê Îrtîbatî û Çapemenîye yê HPGyî derheqê şehadetê gerîlayêkî de eşkerayîye daye û nê vatî:

“Ame zelalkerdene ke hezîrana 2020 de hêrişê dişmenî yê Botanî de hemrayê ma Delîl Yekbûn şehîd bîyo. Ma sere de keyeyê erjîyayî yê hemrayê xo Delîl Yekbûnî rê heme şarê welatperwerî yê Kurdîstanî rê serweşîye wazenê û soz danê ma do waştîşê şehîdan bîyarê ca.

Nasnameyê hemrayê ma Delîl Yekbûnî wina yo:

Hemrayê ma Delîl qezaya Misircî ya Sêrtî de yeno dinya û keyeyêkê erjîyaye û welatperwerî yê Botanî de beno pîl. Hema domanîya xo ra gerîlayan nas keno û tim xeyal keno ke rojêke o zî bibo gerîla. Bitaybetî gama ke waya ci 2006 de tewrê refanê gerîlayan bena, cuya hemrayê ma Delîlî de pelo newe yeno akerdene. Hemrayê ma Delîl 2012 de verê xo dano koyanê Kurdîstanî û tewrê refanê gerîlayan beno. Perwedeyê xo yê verênî Qendîl de vîneno û nizdê hîrê serran tîya maneno û her hetî ra tecrubê keno peyser. Hemrayê ma Delîl 2015 de Mektebê Merkezî yê Partîye de tewrê perwerdeyî beno û 2016 tewrê xebatanê pratîkî beno. Hemrayê ma Delîl wazeno şiro Vakurê Kurdîstanî û Amed de gerîlatîye bikero la seba ke Gaber de hewce esto şino ûca. Gabar de xeylêk çalakîyanê serkewteyan de ca geno û qesasê şehîdan û şarê ma geno. ”