Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Herêma Şehîd Delîlî yê Rojawanî Zapî;
22ê sibate de Warê Xoverdayîşî yê Gir Cûdîyî de îşxalkerî bi çekanê nêm otomatîkan ameyî hedefgirewtene û pirodayene.

Herêma Metîna;
22ê sibate de Warê Xoverdayîşî yê Serê Metîna de îşxalkerî bi çekanê giranan ameyî hedefgirewtene û pirodayene.

Çeke qedexeyî;
24ê sibate de Warê Xoverdayîşî yê Girê Amediyê de tunelê ma pê teqaberanê qedexeyan dîyayî bombayan ver.

Bombarduman;
mabênê tarîxanê 22-24ê sibate de Warê Xoverdayîşî yê Şehîd Şerîf, Berê Zînê yê herêma Xakurkê, Warê Heftebax, Girê Kun, Dêreşê, Zêvkê, Yekmalê, Girê Zengilî yê herêma Garê, Warê Xoverdayîşî yê Serê Metîna, Beşîlî yê herêma Metîna 15 reyî bi teyarayanê şerî dîyayî bombayan ver.
Hêrişê Guherzê;

Ma verî zî derheqê hêrişê ke 21ê sibate de nizdê dewa Guherzê de ame kerdene de eşkerayîye daye. Ma hedîse ser o cigêrayîş kerd. Ame testpîkerdene ke no pûsûyo elçex ê vera embazanê ma, hetê tîmanê kontrayan ê taybetan ê dewleta tirke ra ame kerdene. Hêriş hetê dewleta tirke ra bêro kerdene zî eşkera yo ke teberî ra paştdayîş girewto. La medyaya sanale de dewijê Guherzê ameyî sûcdarkerdene. Goreyê cigêrayîşê ma na mesele de rolê şarê Guherzê çîn o. Derheqê na hedîse de eşkerayîya ma ya esasî na eşkerayîya peyên a. Rayapêroyîya welatperwere rê dîyeno eşnawitene.''