HPG: Heval Agît Garzan pêvînayîşê Iraqî de şehîd bi

HPGyî da zanayene ke 11ê tebaxe de hêrişê dewleta tirke yê vera pêvînayîşê selahîyetdaranê Iraqî de gerîla Agît Garzan şehîd bi. Ame parekerdene ke Garzan Fermandarîya Eyaletê Xakurkê de cagirewtêne.

Merkezê Îrtîbatî bi eşkerayîyêke nasnameyê gerîlayê şehîdî Agît Garzanî eşkera kerd.

Eşkerayîya HPGyî wina ya:

''11ê tebaxe de wexto ke selahîyetdaranê Iraqî reyde pêvînayîş ameyêne kerdene artêşa TCyî ya îşxalkere hêrişê hêzanê Iraqî kerd û embazê ma Agît Garzano ke tewrê pêvînayîş bibi şehîd kewt. Zanayîşê derheqê nasnameyê embazê ma yê şehîdî de wina yê:

Nameyê Qodî: Agit Garzan

Name û Peyname Murat Kalko

Cayê Bîyayîşî: Qers

Maye-Pî: Xezale – Nurettîn

Tarîx û Cayê Şehadetî: 11ê Tebaxa 2020/Xakurkê

Embazê ma Agît Garzanî koyanê Kurdîstanî pêro emrê xo de têkoşîn kerd û kedêka pîle daye têkoşînê azadîye yê Kurdîstanî. Embaz Agît serra 1975î de Qers de dadîya xo ra bîyo û serra 1993î de Garzan de tewrê gerîlayan bi. Embaz Agîtî heta ke bi şehîd têkoşîn kerd. Embaz Agît hêverî Garzan de têkoşîn kerd û dima 18 serran Zagrosan de gerîlatîye kerd. Embaze Agît bi efsane û bi tecrubeyê xo verê xo da Botan. Embaz Agît her ca de bi zerrînizmîya xo zerrîya şarî de bi wayîrê cayêkê taybetî. O cuya xo ya gerîlatîye ya 27 serran de tewrê xeylêk çalakîyan bi û hêvîya serkewtişî ra qet dûrî nêkewt. Bi perwerîya Rayberîye û şehdan tim tewr vernî de ca girewt.

Sere de keyeyê erjîyayeyî yê embaz Agîtî rê ma pêro şarê welatperwerî yê Kurdîstanî rê serweşîye wazenê. Ma soz danê ke ma do bi ruhê têkoşînî qesasê embaz Agîtî dewrê bigêrê û vîrameyîşê ci biresnê serkewtişî.''