Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê artêşa tirke de eşkerayîye daye.

Eşkerayîya HPGyî de nê ameyî parekerdene:

''Hêzanê ma yê  Şehîde Delale şewa 19ê gulane de vera Baregehê Jetî yê Bingeyênî yê 8. yê artêşa tirke yê Amedî çalakîyêka serkewtîye kerde. Na çalakîya ke tesîro pîl aferna selahîyetdarê dewleta tirke fînayî mîyanê qesawetî. Derheqê çalakîye  de do zanayîşo hîra peyra bêro parkerdene.

YJA Star Avaşîn de da piro

Hêzanê ma yê YJA-Starî 18ê gulane de warê Dola Konferansî ya herêma Avaşînî ya Herêmanê Pawitişî yê Medya de çalakîyêke kerde. Çalakîya sûîqestî de îşxalkerêk ame cezakerdene. 19ê gulane de Dola Maran a Avaşînî de îşxlakerî reyna ameyî pirodayene. Çalakîye de îşxalkerêk ame cezakerdene.

Cûdî de operasyon

9ê gulane de artêşa tirke waranê Qasapxane, Helana Pîr, Girê Çolya û Bêrîvane yê herêma Cûdîyî de operasyon da destpêkerdene. 13ê gulane de hela ke di embazê ma wezîfeyê xo ser o bî herama Bilûvanî pê teyarayanê şerî ameye bombardumankerdene. Wird embazê ma rixmê hêrişî resayî tîmê xo teknîkê dişmenî pûç vet. Nê operasyonî de vînîbyayeyê ma çîn ê. Operasyon 15ê gulane de peyser ame antene.

Hêrişê hewayî

Artêşa tirke ya îşxalkere vera Herêmanê Pawitişî yê Medya hêrişê hewayî kerd. 8ê gulane de Qilê Zendûra yê herêma Metîna pê teyarayanê şerî ame bombardumankerdene. Eynî roje Dola Maranî yê Avaşînî de pê helîkopteranê Skorskyan leşkerî ameyî cakerdene. Nê hêrişan de vînîbîyayeyê ma çîn ê.''