Merkezê Îrtîbatî û Çapemenîye yê HPGyî da zanayene ke dewleta tirke vera kampa esîran a Sîyanê gazo kîmyewî şuxulna.

Eşkerayîya  HPGyî wina ya:

''Derheqê hêrişê îşxalî yê dewleta tirke yê mabênê 10-14ê sibate yê vera Garê û xovedayîşê gerîlayan de netîceyê ke kewnê ma dest ma perekerdişî rê dewam kenê.

Rixmo ke dewleta tirke erdî ra derbê pîlî werdî û peyser agêreye, hêrişê hewayî yê vera Herêmanê Pawiitşî yê Medya bitaybetî vera Garê dewam kenê. Coka parekerdişê netîceyanê hêrişê hewayî erey dîyenê.

Seba ke derheqê hêrişê vera kampa esîran a warê Sîyanê yê Garê netîceyê zelalî bêrê girewtene hêzê ma resayê na kampe. La rixmo ke ser ra 3 rojî ravêrtî kampe û dormeyê ci de boya giran a gazê kîmyewî esta. Dewleta  tirke ya faşîste vera kampe çeka kîyewîye ya ke sey sûcê şerî gerîyena dest şuxulnaye. Coka merdim nêeşkeno bikewo kampe. Îxtîmalo pîl o ke na kampe de her kes verî pê çeka kîmyewîye ameyo kiştene dima zî ameyî gulekerdene. Rewşa verênan ra wina eseno.

Dewleta tirke ke merdimîye ra nasîbê xo nêgirwto vera kampe qirkerdiş kerdo. Xebatê ma yê derheqê safîkerdişê netîceya hêrişê vera kampe do dewam bikerê. Netîceyê zelalî yê bîlançoya şerê 4 rojan ê Garê do her hetî ra şarê ma yê welatperwerî û rayapêroyîye rê bêrê parekerdene.

15ê sibate de sirpilikê Qilê Xêrê yê Garê 3 rey, warê Kunişka yê Zapî û warê Gelîyê  Avaşînî yê Avaşînî  4 rey pê teyarayanê şerî yê tirkî ameyî bombardumankerdene.''