Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û yê var Başûrê Kurdîstanî û qetilkerdişê sivîlan de eşkerayîyeke daye û nê pare kerdî:

''Artêşa tirke ya îşxalkere 16ê hezîrane de vera herêma Heftanînî dest pê operasyonê îşxalî kerd. Îşxalkerî bi heme îmkananê xo yê teknîkî  bêmabên hêrişê herême kenê. Hêzê ma bi xoverdayîşê tarîxî cewabê înan danê û derbeyanê girdan danê piro.

Planê îşxalkerdişê Başrûrê Kurdîstanî esto

Îşxalkerî herra Başûrî de şarê sivîlî zî hedef genê. Hededê nê îşxalî de têna PKK çîn o. Îşxalê Başûrê Kurdîstanî yeno hedefkerdene. Artêşa tirke ya îşxalkere ke tim bi zanayîş hêrişê şarê ma kena, 19ê hezîrane (vizêr) reyna dewa Sîda ya herêma Zapî de 4 sivîlî û dewa Golka ya herêma Metîna de sivîlêk qetil kerd. Îşxalkeran dewa Sîda de bi kontrolê wesayîtanê hewayî yê bêmerdiman bi zanayîş wesayîtê sivîlan hedef girewtî. No hêriş têna vera Heftanînî nîyo, palnêko hîra yo ke heme Başûrê Kurdîstanî zî tede yo esto.

Ma do destûrê îşxalî medê

Ganî şarê ma yo erjaye yê Başûrê Kurdîstanî bizano ke ma sey  HPGyî ke  hêzê fedayîyî yê PKKyî yê ma do destûr medê îşxalê Başûrî. Hêzê ma sere de Heftanîn xeylêk waran de do şero stratejîk rayra bêrê. Prosesê nê şerê çetinî de gerîlayê ma do têkoşîno tarîxî ramojnê û ser bikewê.

Wa şarê Başûrê Kurdîstanî vengê xo berz bikero

Şarê ma yê Başûrê Kurdîstanî şarêko welatperwer o û semedê azadîya xo ya bedelî dayê. Enfall û Helebçeyan ra ravêrto û semedê azadîya xo bi hezaran şehîdî dayî. Nê şehîdanê qehremanan semedê pawitişê herra xo ganê xo zerrîya safîyer ra dayo. Gerîlayê Kurdîstanî rêçê nê şehdan de welatê xo pawenê. Sey têgêrayîşî şarê Başûrê Kurdîstanî rê heskerdiş û hurmetê ma bêpeynî yo.  Zaxo ra heta Amedîye, Amedîye ra heta Şeladizê, ûca ra heta Ranya ganî heme şarê  Başûrê Kurdîstanî vera hêrişê îşxalî vengê xo berz bikero.

Ma do gonîya şehîdanê xo erdî de meverdê

Na çerçewe de ma keyeyanê şehîdanê xo Newzat Mustafa Îslam, Emîn Salîh, Azad Mehdî, Abbas Adem û Deman Omerî rê  û şarê herême rê û heme şarê welatperwerî yê Kurdîstanî rê serweşîye wazenê û soz danê ke ma do qesasê şehîdanê sivîlan bigêrê û gonîya înan erdî de meverdê.''