Merkezê Îrtîbatî û Çapemenîye yê HPGyî derheqê Îbrahîmî Hesenî yo ke hêrişê artêşa tirke yê Amedîye de şehîd bibi de eşkerayîye daye.

HPGyî vat: ''Dewleta tirke ya îşxalkere 13ê hezîrane de hêrişê dewa Dêşîşê ya qezaya bajarekê Kanî Masî ya qezaya Amedîye kerd. Netîceya hêrişê îşxalkeran de hemwalîtîyê ma Îbrahîm Heseno 50 serre û babîyê 60 domanan gama ke bexçeyê xo de xebityayêne dinyaya xo bedilnaye. Sere de ma şarê dewa Dêşîşê yo ke rixmê hêrişan erdê canêverdeno û tewirê welatperwerîye ramojeno û keyeyê Îbrahîm Hesenî rê serweşîye wazenê.

Dewleta tirka ke nêeşkena xoverdayîşê Gerîlayanê Azadîye yê Kurdîstanî bişikno û rixmê heme îmkananê xo tim derbeyanê pîlan wena, hêrişê sîvîlan kena. Dewleta tirke kena ke qirkerdişê kurdan sey çîyêkî normalî ramojno. Qetilkerdişê kudan înan rê bîyo sey tradîsyonî. Bitaybetî  herêmanê ke têkoşînê gerîlayan tesîrkerde  dewam keno de cayanê sîvîlan bombarduman kena û merdimanê ma qetil kena. Wazena ke nê herêman bêmerdim bikero û planê îşxalî gamêke aver bêrê.  La şarê ma yo welaperwer ê Başûrê Kurdîstanî  verê polîtîkayanê dişmenî de milê xo çewt nêkeno, erdê xo canêverdeno û plananê qirkerdişî yê înan pûç vejeno. Ma do hesabê nê qirkerdişan dewleta tirke ya îşxalkere ra miheqeq bipersê.''