Merkezê Îrtîbatî û Çapemenîye yê HPGyî bi eşkerayîyêke gerîla Betule Yildiz (Çirave Avesta) yad kerde. Eşkerayîye wina ya:

''Embaza ma Çirave Avesta Eyaletê Amedî de wexto ke serê wezîfeyê xo de bîye qezayêk de şehîd bîye. Nasnameyê embaza ma ya şehîde wina yo:

Nameyê Qodî: Çirave Avesta Name û Peyname: Betule Yildiz Cayê Bîyayîşî: Sêrt Maye-Pî: Heybete-Emîn Tarîx û Cayê Şehadetî: 27ê Hezîrana 2016î / Amed

Embaza ma Betule qezaya Dihî ya Sêrtî de dadîya xo ra bîye. Embaza ma Betule keyeyêkê welatperwerî yê Koyê Çirave de keyeyê fermandarê ma Şehîd Reşît Serdarî de bîye pîl. Embaze Betula ke zanayêne sîstemo faşîst pê têkoşînî vurîyeno tewra karanê ciwanan bîye. A xoverdayîşê xoîdarekerdişî yê 2015-2016î ra dima barbarîya dewlete nêzdîye ra dîya û tewra gerîlayan bîye.

Embaze Çirave Amed de tewra gerîlayan bîye. A sey cinîyêka kurde xîret kerd ke îdeolojîya Apogîrî xo de xorin bikera û derban bida dişmenî ro. A wextêkê kilmî de pê hewceyanê şarê ma hesîyaye û xeta fedayîye de şîye. Embaze Çirava ke milîtanêka fedayîye bîye û ameyoxê ci roşnî bîye bîye fermandarêka pîle. A 27ê hezîrana 2016î de Eyaletê Amedî de wexto ke wezîfeyê xo ser biba qezayêk de şehîd bîye.

Sere de keyeyê ercîyayeyî yê embaza ma ya şehîde rê, ma pêro şarê welatperwerî yê Êrsê û Kurdîstanî rê serweşîye wazenê.''